இடைவெளி உதிர்வுகள்

by **செய்தாலி** Thu Sep 22, 2011 7:01 pm

[You must be registered and logged in to see this image.]

கருவில் சிதையும் சிசு
வாலிபம் கடக்காத இளங்காளை
முதுமையில் உதிரும் மனிதன்

உருவத்தையும் தாய்முகத்தையும்
இருட்டில் தொலைக்கும் சிசுக்கள்

எதிர் நோக்கா ஒர்நாழிகையில்
இளமையில் வாழ்நாளை உதிர்ப்பவர்கள்

நெடுந்தூர வாழ்க்கை பாதையில்
முதுமையால் உதிரும் உயிர்கள்

துரதிஷ்டமா இல்லை
எழுதப்பட்ட விதியா

வாழ்வியல் நம்பிக்கைகள் உடைக்கும்
இடைவெளி மரணங்கள்

மனிதர்களை நேசிப்பதாக சொல்லும்
பரம்பொருளை நோக்கி ஒர்வினா

நூறாண்டு வாழ்ந்து மடிந்தவனும்
வாழ்வியலின் முழுமையை ருசிபதில்லையாம்

பிறகு ஏனோ
வயது எல்லைக் கோட்பாடுக்குள்
இந்த மனித வாழ்க்கை

அருமையான சிந்தனை வரிகளுக்கு பாராட்டுக்கள் நண்பரே செய்தாலி...

by **கவியருவி ம. ரமேஷ்** Thu Sep 22, 2011 9:25 pm

வாழ்வியல் நம்பிக்கைகள் உடைக்கும்
இடைவெளி மரணங்கள்
-- வேதனைப் படுவதை விட வேறொன்றும் செய்ய முடியாது.

மரணத்தை இப்போது எல்லோரும் சகஜமாக எடுத்துக்கொள்வதையும் காண முடிகிறது.

ஒரு குடும்பத்திற்குத் தான் இறந்தவரின் இழப்பு சுமையாக இருக்கிறது என்பதும் உண்மை.