7 ஆம் அறிவு படத்தின் பாடல்கள் சுட சுட விற்று தீர்ந்து விட்டன. அடுத்தடுத்து ஆர்டர்களும் குவிந்து வருவதாக கூறி கொண்டாடி மகிழ்கிறார்கள் அப்படக்குழுவினர். படத்தை பற்றி மேலும் பேச பத்திரிகையாளர்களை அழைத்திருந்தார்கள் 7 ஆம் அறிவு படக்குழுவினர்.

தயாரிப்பாளர் உதயநிதி ஸ்டாலின், டைரக்டர் ஏ.ஆர்.முருகதாஸ், சூர்யா, ஸ்ருதிகமல் ஆகியோருடன் படத்தின் இசையமைப்பாளர் ஹாரிஸ் ஜெயராஜும் வந்திருந்தார். ட்ரெய்லரையும் ஒன்ஸ்மோர் கேட்டு ரசித்தார்கள் பத்திரிகையாளர்கள். கூடவே திரையிடப்பட்ட இரண்டு பாடல்களின் டீசர், ரொம்பவே இம்ரஸ் ஆக்கியது அவர்களை.

இந்த படம் குறித்து பேச நிறையவே விஷயம் வைத்திருந்தார் ஏ.ஆர்.முருகதாஸ். ஆனால் எல்லாவற்றையும் விட முந்திக்கொண்டது 6 ஆம் நுற்றாண்டில் வாழ்ந்த போதி தர்மர் குறித்த கேள்விகளும் பதில்களும்தான். முன்னதாக பேசிய முருகதாசும் சூர்யாவும் ரொம்பவே கவலை கொண்டார்கள். சீனாவில் எங்கு திரும்பினாலும் போதி தர்மரின் சிலை இருக்கிறது. அங்கிருக்கிற சிறுவர் சிறுமிகள் கூட அவரை வணங்குகிறார்கள். ஒரு நாட்டின் பாதியை தன்னுடைய செல்வாக்கால் நிறைத்திருக்கும் அவர் ஒரு தமிழர் என்பதும், சென்னைக்கு அருகிலிருக்கும் காஞ்சிபுரத்தில் பிறந்தவர் என்பதும் இங்குள்ள யாருமே அறியாமலிருப்பதுதான் ஷாக். திட்டமிட்டே ஒரு தமிழனின் வரலாறு மறைக்கப்பட்டிருக்கிறது என்று குற்றம் சாட்டினார் முருகதாஸ்.

இந்த போதிதர்மர்தான் மார்ஷியல் ஆர்ட் என்ற தற்காப்பு கலையை சீனர்களுக்கு சொல்லிக் கொடுத்தவராம். ஒரு வித்தியாசமான கதையை படமாக்கணும் என்று நான் தேடியபோதுதான் இந்த போதி தர்மர் பற்றி அறிந்து கொள்ள முடிந்தது. காஞ்சிபுரத்திலிருந்து மூன்று வருஷம் நடந்தே அவர் சீனா சென்றிருக்கிறார் என்று கூறி மலைக்க வைத்தார் முருதாஸ்.

சரி... மக்கள் மறந்துவிட்டார்கள். வரலாறு மறைத்துவிட்டது. இனிவரும் சந்ததியினராவது தெரிந்து கொள்ளட்டும். உங்கள் யூனிட் சார்பில் அவருக்கு ஒரு சிலை வைக்கலாமே என்று கேள்வி எழுப்பப்பட்டது. இதற்கு முருகதாசின் பதில் என்ன?

ஒரு பிரமாண்ட படம் எடுத்திருக்கிறோம். இந்த படம் வெளிவந்ததும் நாடே இந்த போதி தர்மர் பற்றி பேச ஆரம்பிக்கும். அவருக்கு சிலை வைப்பது பற்றியோ, பாட புத்தகத்தில் அவருடைய வரலாற்றை வைப்பது பற்றியோ அரசுதான் தீர்மானிக்க வேண்டும் என்றார்.

பார்க்கலாம்... முருகதாசின் நம்பிக்கை என்னாகிறது என்று?

நன்றி : [You must be registered and logged in to see this link.]

திரைப்படங்கள் பற்றிய இவ்வகையான பேச்சுகள் அனைத்தும் மிகைப்படுத்தியே பேசப்படுகின்றன.

எத்தினி படத்த பாத்துட்டோம்!