சென்னை, செப். 26: உள்ளாட்சித் தேர்தல் நேர்மையாக நடக்கவில்லை என்றால் தேர்தல் ஆணையம் மீது சட்டப்படியான நடவடிக்கை எடுக்கப்படும் என்று திமுக தலைவர் கருணாநிதி தெரிவித்தார்.
இது குறித்து திமுக தலைமை அலுவலகமான அண்ணா அறிவாலயத்தில் செய்தியாளர்களிடம் திங்கள்கிழமை அவர் கூறியது:
மாநில தேர்தல் ஆணையத்தின் செயல்பாடுகள் அதிமுகவுக்கு ஆதரவாக இருப்பதுபோல தெரிகிறது. உள்ளாட்சித் தேர்தல் நேர்மையாக நடக்கவில்லை என்றால் தேர்தல் ஆணையம் மீது சட்டப்படியான நடவடிக்கை எடுக்கப்படும்.
உள்ளாட்சித் தேர்தல் பணிகளை கட்சியின் பொருளாளர் மு.க. ஸ்டாலின் கவனித்து வருகிறார். தேர்தலில் எனது பிரசாரம் குறித்து எங்களோடு கலந்துபேசி அவர் அறிவிப்பார். திமுகவைப் பொறுத்தவரை காங்கிரúஸôடு சட்டப் பேரவை, மக்களவைத் தேர்தல்களில் கூட்டணி அமைப்பது குறித்து ஏற்கெனவே தெளிவுபடுத்தியுள்ளேன். அதனால் இடதுசாரி கட்சிகளை அழைப்பீர்களா? என்ற கேள்விக்கு இப்போது பதில் சொல்ல முடியாது.
அதிமுக கூட்டணியில் தேமுதிக, கம்யூனிஸ்ட் கட்சிகளுக்கு இடம் வழங்கப்படவில்லை. அந்தக் கூட்டணியை உருவாக்கும்போதே யார் யாருக்கு அங்கே இடம் கிடைக்கும் என்பதை பற்றியெல்லாம் நான் அறிவேன்.
உள்ளாட்சித் தேர்தல் அமைதியாக, ஜனநாயக முறையில் நடைபெற அனைத்துக் கட்சிகளும் ஒத்துழைக்க வேண்டும்.
அதிமுகவின் கூட்டணி கட்சிகளும், கூட்டணியிலிருந்து விலகிச் சென்றுள்ள கட்சிகளும் ஒத்துழைக்க வேண்டும். ஒற்றுமையாக இருந்தால்தான் தேர்தலை வெற்றிகரமாக நடத்த முடியும்.
எத்தனை மாநகராட்சி மன்றங்களை திமுக கைப்பற்றும் என்பதை பற்றி ஜோதிடம் சொல்ல முடியாது என்றார் கருணாநிதி.

நன்றி : தினமணி

எனக்கு சிப்பு சிப்பா வருது

haaaahaaaa

தேர்தல்கள் நன்றாகத் தான் நடக்கின்றன. அரசியல்வாதிகள் தான் ஒழுங்காக நடந்துகொள்ள மறுக்கிறார்கள்.

தேர்தல் எப்படி நடக்குது யென்று ,பார்ப்பது சரியே .
இதுவரை ,உராச்சி ,நகராட்சி தேர்தல் ஆளுங்கட்சிக்கு ,இணங்கிய நடந்து இருக்கு ,வரலாறு சொல்லும் .