எப்போதும் மிகவும் குறைந்த தடிமனுடன் போன்களைத் தயாரித்து வெளியிடும் மோட்டாரோலா நிறுவனம், சென்ற மாதம் மூன்று இரண்டு சிம் இயக்க மொபைல் போன்களை அறிமுகப்படுத்தியது, அவை இப்போது விற்பனையில் உள்ளன. மோட்டாரோலா எக்ஸ் 212, மோட்டாரோலா எக்ஸ் 119 மற்றும் மோட்டாரோலா எக்ஸ் 109 என்ற பெயர்கள் கொண்ட இவை அனைத்துமே வழக்கமான மோட்டாரோலா நிறுவன போன்களின் அம்சங்கள் அனைத்தும் கொண்டிருந்தாலும், தனித்தன்மை கொண்டவையாகவும் உள்ளன.
மோட்டாரோலா எக்ஸ் 212 மொபைல் 13.9 மிமீ தடிமன் உடையது. ஓர வளைவு களுடன், இழுத்து திறக்கும் வகையில் அமைக்கப்பட்டுள்ளது. இதில் 2.4 அங்குல அகலம் கொண்ட எல்.இ.டி. திரை, 2 எம்.பி. திறன் கொண்ட கேமரா, எம்.பி.3 இயக்கும் ஆடியோ-வீடியோ பிளேயர், 3.5 மிமீ ஆடியோ ஜாக், 16 ஜிபி வரை மெமரி அதிகப்படுத்தும் மைக்ரோ எஸ்.டி. கார்ட் பயன்படுத்தும் போர்ட் ஆகியவை கிடைக்கின்றன. இதன் அதிக பட்ச விலை ரூ. 5,190.
மோட்டாரோலா எக்ஸ் 119 குவெர்ட்டி கீ போர்டு மற்றும் கெபாசிடிவ் டச் ஸ்கிரீன் கொண்டுள்ளது. முந்தையதைக் காட்டிலும் மிகக் குறைவாக 9.9 மிமீ தடிமன் கொண்டது. பேஸ்புக் மற்றும் ட்விட்டர் சமூகத் தளங்களுக்கு நேரடி இணைப்பு கொண்டது. இதில் 2.4 அங்குல டச் ஸ்கிரீன் திரை, 3 எம்.பி. திறன் கொண்ட கேமரா, 32 ஜிபி வரை மெமரி அதிகப்படுத்தும் மைக்ரோ எஸ்.டி. கார்ட் பயன்படுத்தும் போர்ட், யு.எஸ்.பி. 2 போர்ட், புளுடூத், வை-பி, 3.5 மிமீ ஆடியோ ஜாக், புஷ் இமெயில் ஆகிய வசதிகளைக் கொண்டுள்ளது. இதன் அதிக பட்ச விலை ரூ. 6,190.
மோட்டாரோலா எக்ஸ் 109 மொபைல் போனிலும் குவெர்ட்டி கீ போர்டு உள்ளது. இந்த மொபைல் போனிலும் பேஸ்புக் மற்றும் ட்விட்டர் சமூகத் தளங்களுக்கு நேரடி இணைப்பு தரப்பட்டுள்ளது.
இதில் 2 அங்குல டச் ஸ்கிரீன் திரை, 2 எம்.பி. திறன் கொண்ட கேமரா, பதிவு செய்திடும் வசதியுடன் கூடிய எப்.எம். ரேடியோ, 32 ஜிபி வரை மெமரி அதிகப்படுத்தும் மைக்ரோ எஸ்.டி. கார்ட் பயன்படுத்தும் போர்ட், புளுடூத், எம்.பெக் 4 பார்மட் சப்போர்ட், 3.5 மிமீ ஆடியோ ஜாக் ஆகிய வசதிகளைக் கொண்டுள்ளது. இதன் அதிக பட்ச விலை ரூ. 3,590.

நன்றி தினமலர்