உறவுகள்: உயர்வுகள் - காணக் கூடாத காட்சி!

by **அ.இராமநாதன்** Wed Sep 28, 2011 2:53 am

-
இந்தக் காலத்துப் பிள்ளைகளோட ஆடம்பரத்துக்குத்
தடை போடுறதெல்லாம் அவ்வளவு சுலபமில்லை, அண்ணே.

தாய் தகப்பனோட கஷ்டம் தெரியாமலா அந்தக்
கல்லூரியில் இன்ன சப்ஜெக்ட்தான் வேணும்னு அடம்
பிடிக்கிறாங்க. “டேய்! எட்டு இலட்சம்டா இப்போ!
சும்மா இல்லே! அப்படின்னு சொல்ற அப்பா பேச்சு
எடுபட்டிருக்கா எப்பவாச்சும்? எனக்கு தெரிஞ்சு இ
ல்லேன்னுதான் சொல்லுவேன்.

சீட்டு வாங்க சிபாரிசு பிடிக்க அலையுறதுலேர்ந்து
வாங்கின சீட்டுக்குப் பணம் கட்டுற வரைக்கும் நாயா
பேயா அலையுற பெற்றோர் எவ்வளவு பேர் தெரியுமா?
நான்தான் பார்க்குறேனே வருஷா வருஷம்!’

“படிக்கிறதுக்குப் பண்ற செலவு முதலீடுதானே புரபசர்!’
(தம்பி மீது அவ்வப்போது பாசம் காட்ட சுலபாவின்
அப்பா பயன்படுத்தும் வார்த்தைதான் புரபசர் என்பது.)

“ஒரு வகையில் சரிதான். ஆனா காலேஜ் பிடிக்கலை!
ஹாஸ்டல் பிடிக்கலை; இந்த கோர்சே சுத்தமாப்
பிடிக்கலை. பாக்குலிட்டி (பாடம் நடத்துகிறவர்கள்)
சரியில்லை. கூடப் படிக்கிற பசங்க சரியில்லை; சரியான
கச்சாடா காலேஜ் என்று பாதியில் வெளியில்
வந்துடறவங்க ரொம்பப் பேர்ணே!’

“எனக்குத் தெரிஞ்சு ஒரு பையன். பாதியிலேயே
காலேஜை விட்டுட்டான். ஆனா இவன் படிப்பை
விட்டதுக்குக் காரணம் என்னன்னு கேட்டா ஆச்சரியப்படுவே!’

“சொல்லுங்க!’

“அந்த வயசுல பார்க்கக்கூடாத காட்சி ஒண்ணைப்
பார்த்துட்டான். ஆபாசப் புத்தகமோ, வீடியோவோ,
நெட்லயோ இல்லை. “லைவ்’வா!’

“ஐயோ!’

“ஆமா. அவனுக்கு 18-19 வயசுதான் இருக்கும். கண்ணை
மூடினா திரும்பத் திரும்ப அதே காட்சி. பிளாஷ்பேக்
வந்து வந்து அவனை ஒரு வழி ஆக்கிவிட்டது. யாரிடமும்
பகிர்ந்துக்க முடியாத விஷயமாகிப் போனதால தீர்வும்
கிடைக்கலை. கூடப் படிக்கிற பசங்ககிட்ட சொல்லலாம்னா
சம்பந்தப்பட்டவங்க யாருன்னு கேப்பானுங்களேங்கிற பயம்!’

“யாருங்கிற விஷயத்தை நண்பர்கள்கிட்ட கூடப்
பகிர்ந்துக்க முடியாத நிலைமைன்னா அது ரொம்பப்
பாவம்தான்.’

“பள்ளி இறுதி வரைக்கும் நல்லாப் படிச்சிக்கிட்டிருந்த
பையனோட மார்க் சரசரன்னு சரிய ஆரம்பிச்சிட்டுது.
யாருக்கும் ஒண்ணும் புரியலை.

அத்தை, சித்தப்பான்னு ஆளுக்காளு உள்ளே வந்து
“என்னடா ஆச்சு உனக்கு? நல்லாத்தானே படிச்சிட்டிருந்தேன்’னு
கேட்க ஆரம்பிச்சபோது, சித்தப்பாவுக்கு மட்டும் புரிய
ஆரம்பிச்சுது இது பருவக் கோளாறுன்னு. சித்தப்பாதான்
சொன்னாரு, இவனுக்கு நிச்சயம் சைக்கியாட்ரிக் கௌன்சிலிங்
குடுக்கணும். இப்படியே விட்ட இவன் காலேஜுக்கு
போகமாட்டான். உடனே இவனை கிளினிக்கல்
பேத்தாலஜிஸ்ட்கிட்டே கூட்டிட்டுப் போங்க. அவரு
ஒத்தராலதான் இவனைக் கொஞ்சமாவது நார்மல்சிக்கு
கொண்டுவர முடியும்னார்.’

“அது நடந்ததா?’

“அவ்வளவு சுலபமா நடக்குமா? நான் என்ன மென்டலா?
நான் யார்கிட்டேயும் வரமுடியாதுன்னு வம்பு பண்ண
ஆரம்பிச்சிட்டான்.’

“அப்புறம்?’

“ஒவ்வொரு சாமிக்கும் ஒரு பூசாரி உண்டு தம்பி. இந்தப்
பயலுக்கு சித்தி மேல கூடுதல் பாசம். சித்தி பேசிப் பேசிக்
கரைச்சுக் கூட்டிக்கிட்டுப் போனாங்க. கிளினிக்கல்
பேத்தாலஜிஸ்ட் நான்கு சிட்டிங்குல அழகா விஷயத்தைக்
கறந்துட்டார்.’
-
========================================

- லேனா தமிழ்வாணன்
நன்றி: குமுதம்

by **கவியருவி ம. ரமேஷ்** Wed Sep 28, 2011 8:34 am

பகிர்ந்து கொண்டமைக்கு மகிழ்ச்சி... வாழ்த்துகள்.
:héhé: :héhé: :héhé:

by **பட்டாம்பூச்சி** Wed Sep 28, 2011 8:53 am

by Sponsored content

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

உறவுகள்: உயர்வுகள் - காணக் கூடாத காட்சி!

உறவுகள்: உயர்வுகள் - காணக் கூடாத காட்சி!

Re: உறவுகள்: உயர்வுகள் - காணக் கூடாத காட்சி!

Re: உறவுகள்: உயர்வுகள் - காணக் கூடாத காட்சி!

Re: உறவுகள்: உயர்வுகள் - காணக் கூடாத காட்சி!

Re: உறவுகள்: உயர்வுகள் - காணக் கூடாத காட்சி!