தளிர் ஹைக்கூ25

by **thaliranna** Tue Oct 04, 2011 9:35 pm

வாகனங்களின்
இரைச்சலில் தொலைந்து போனது
மவுனம்!

உண்மைத்தான்

by **கவியருவி ம. ரமேஷ்** Wed Oct 05, 2011 10:57 am

:héhé: :héhé: :héhé: பாராட்டுக்கள் thaliranna.

வாகனங்களின்
இரைச்சலில் தொலைந்து போனது
மவுனம்!

என்ற ஹைக்கூவில், முதல் அடி வேண்டாம். நீக்கிவிடுங்கள்.

இரண்டாவது அடியை இரண்டாக்கி ஹைக்கூ அமைப்பை உண்டாக்கலாம். இப்படி:

இரைச்சலில்
தொலைந்துபோனது
மவுனம்!

இப்போது சிறப்பாக இருக்கிறது. முக்கியமாக கவனிக்க
வேண்டியது இப்போதுதான் ஹைக்கூவாக இருக்கிறது.

வாகனங்களின்
இரைச்சலில் தொலைந்து போனது
மவுனம்!

என்ற உங்கள் ஹைக்கூவில் வாகனங்களின் என்ற சொல் வாசகர்களை சிந்திக்கச் செய்யாமலும் ஹைக்கூவை அனுபவிக்க முடியாமலும் செய்து விடுகிறது.

இரைச்சலில்
தொலைந்துபோனது
மவுனம்!

என்பதில் எந்த இரைச்சலில் எது தொலைந்து போனது என்பதைக் கண்டு பிடிக்க நீங்கள் வாசகர்களின் சிந்தனையைத் தூண்டி விடுகிறீர்கள். கடைசியில் மவுனம் என்று விடை கூறுகிறீர்கள். இதுதான் ஹைக்கூ.

மிகவும் சிறப்பாக எழுதத் துவங்கிவிட்டீர்கள். பாராட்டவும் வாழ்த்தவும் வயதில்லை என்றாலும் கவிஞனாகத் தங்களை வாழ்த்துவதிலும் பாராட்டுவதிலும் மகிழ்கிறேன். நன்றி.

(என் படைப்பு இப்படித் தான் இருக்க வேண்டும் அல்லது நான் எழுதியதே சிறப்பாக இருக்கிறது அல்லது நீங்கள் தலையிட வேண்டாம் என்று படைப்பாளர் நினைத்தால் என் கருத்தை ஏற்றுக்கொள்ள வேண்டாம் என்று கேட்டுக்கொள்கிறேன். படைப்பாளரின் சுதந்திரத்தின் நான் தலையிடவில்லை என்பதை புரிந்து கொள்ளுங்கள். சில மாற்றம் செய்தால் இன்னும் சிறப்பாக இருக்கும் என்று வழி காட்டுவதே என் நோக்கம்)