என்ன செய்யப் போகிறாய்?

by arivusumi Thu Oct 06, 2011 8:03 am

பாறையடி என்
மனம்-உன்
பார்வை படும் வரை.

நீ என்ன
சூரியக் குழந்தையா?

பாறையாய் இருந்த மனம்
உன் பார்வை பட்ட பின்னே
சேற்றுக் குழம்பாகி
உன் நினைவில் சிக்கித் தவிப்பதை
என்னவென்று நான் சொல்ல!

சறுக்கு மரம் ஏறுவது போல்
உன்னை மறப்பதற்கு எண்ணி
எடுத்து வைக்கும் ஒவ்வொரு
அடியிலும் -பல நூறு
அடி சறுக்கி பரிதாபமாய்
நிற்பதை உன்னிடத்தில் நான்
எவ்வாறு எடுத்துச் சொல்ல!

உண்மையைச் சொல்.
என்னை நீ
என்ன செய்யப் போகிறாய்?

by **கவியருவி ம. ரமேஷ்** Thu Oct 06, 2011 9:54 am

arivusumi wrote:
சறுக்கு மரம் ஏறுவது போல்
உன்னை மறப்பதற்கு எண்ணி
எடுத்து வைக்கும் ஒவ்வொரு
அடியிலும் -பல நூறு
அடி சறுக்கி பரிதாபமாய்
நிற்பதை உன்னிடத்தில் நான்
எவ்வாறு எடுத்துச் சொல்ல!

-சிறப்பான வரிகள் பாராட்டுக்கள்.

பெண் என்றால்
பேயும் இரங்கும்
காதல் என்றால்
கல்லும் கரையும்
சரிங்க பாஸ்