அதிகாலையில் எழும்பும் இளையோர்கள் மெல்லியவர்களாகவும் திடமானவர்களாகவும் இருப்பார்கள் என்கிறது ஒரு ஆய்வு.

அதாவது முன்பே படுக்கைக்குச் சென்று அதிகாலையில் எழும் இளையோர்கள் தாமதமாக எழுபவர்களைவிடவும் மெல்லியவர்களாகவும் திடமானவர்களாகவும் காணப்படுவார்கள் என்கிறது.

நிறை மற்றும் படுக்கும் பழக்கங்களையும் ஒய்வு நேரங்களையும் வைத்து 9-12 வயதிற்கிடைப்பட்ட 2200 அவுஸ்ரேலியப் பிள்ளைகளை வைத்தே இந்த ஆய்வு மேற்கொள்ளப்பட்டது.

இதில் ஒரே நேரத்தில் படுத்துக் காலையில் எழுபவர்களைவிட ஒன்றரை மடங்கு அதிகமாகத் தூங்குபவர்களின் உடற்பருமன் அதிகமாகவும் செயற்பாடற்ற தன்மை இரண்டு மடங்காகக் காணப்படுவதாகவும் அறியப்பட்டது.

நிறை வித்தியாசத்திற்கு அவர்களது வாழ்க்கை முறைதான் முக்கியமான காரணியாக உள்ளது.

தாமதமாக நித்திரை கொள்பவர்கள் மற்றவர்களைவிடவும் 3 மடங்கு நேரம் தொலைக்காட்சி பார்ப்பது, கணனியைப் பயன்படுத்துவது அல்லது கணனி விளையாட்டுக்களை விளையாடுவது போன்றவற்றில் செலவழிக்கின்றனர்.

முழுவதுமாகப் பார்த்தால் தாமதாகப் படுப்பவர்கள் 30 நிமிடம் உடற்பயிற்சிகளைச் செய்யவேண்டுமெனப்படுகின்றது.

இதனால் இவர்களைவிடவும் ஒன்று அல்லது ஒன்றரை மணித்தியாலங்கள் முன்பு நித்திரைகொண்டு ஒன்று அல்லது ஒன்றரை மணித்தியாலம் முன்பு எழுபவர்கள் 30 நிமிடம் கூடுதலாகப் பயற்சிபெறுகின்றனர் என்கின்றது இந்த ஆய்வு.

பிந்தி நித்திரைகொள்ளும் பிள்ளைகள் குறைந்த வருமானமுடைய நகரங்களில் பகுதிநேர வேலைகளில் ஈடுபடும் குடும்பங்களிலிருந்து வருபவர்களென்றும் கூறுகின்றனர்.

சிறுவர்கள் பொதுவாக அதிகநேரம் தூங்குவது வழமைதான். எனினும் இவர்களை அளவுக்கதிகமாகத் தூங்கவிடாது பார்த்துக்கொள்வது பெற்றோரின் கடமையென்கின்றனர் ஆய்வாளர்கள்.