செவ்வாய்க்கான அடுத்த பயணத்தை ஆரம்பிக்கின்றது நாசா

இவ்வருட ஆரம்பத்தில் விண்வெளி ஓடம் (Space Shuttle) தனது 30 வருடச் சேவைக்குப் பின்னர் ஓய்வுபெற்றிருந்தது. ஆனால் அதன் புதிய படைப்பு நாசாவால் இன்று வெளியிடப்படுகின்றது.

35 பில்லியன் பெறுமதியான விண்வெளி ஏவுதொகுதியானது அப்பலோ நடவடிக்கையைப்போன்ற திரவ-எரிபொருள் உந்துகணையுடன்கூடியதாக உள்ளது.

விண்வெளி வீரர்கள் மேற்பக்கமாகவுள்ள சிறியதொரு பெட்டிக்குள்தான் இருப்பர். ஆனால் இம்முறை இந்தத் தொகுதியின் செல்லுமிடம் இன்னும் தூரமாக இருக்கப்போகின்றது.

Orion என்ற பல்தேவைக்கான வாகனங்கள், முக்கியமான சரக்குகள் மற்றும் உபகரணங்கள் என்பவற்றைக் காவிச்செல்லவே இந்த விண்வெளி ஏவுதொகுதி வடிவமைக்கப்பட்டுள்ளது.

நாசா 15 வருடமாக ஒவ்வொரு வருடமும் ஓர் ஏவுகணையைக் கட்டி ஏவியுள்ளது. இனியும் 2020 மற்றும் 2030களில் இதன் தொகை அதிகரிக்குமெனக் கூறப்படுகின்றது.

முதலில் 77-110 தொன்கள்வரை இந்த ஓடம் காவிச்செல்லக்கூடியதாயிருக்குமென்றும் கூறப்படுகின்றது.

இறுதியில் 143 தொன்களை அல்லது 165 தொன்களை விண்வெளிக்கு இது காவிச்செல்லும். இது முதலில் பரீட்சார்த்தப் பறப்பின்போது 5 வகையன திண்ம றொக்கற் ஊக்கிகளைப் பயன்படுத்தும்.

ஆனால் விரைவிலேயே அதற்குப் புதிய தொழினுட்பம் கொண்ட ஊக்கிகள் மாற்றப்படுமெனக் கூறப்படுகின்றது.