வணக்கம் நண்பர்களே

by **தமிழ்1981** Mon Oct 10, 2011 11:46 pm

வணக்கம் நண்பர்களே,

எனது பெயர்.... ஜோஸப்... இன்று தான் தமிழ் தோட்டம் கண்டேன்.... மிகவும் மகிழ்ச்சி........ தோட்டத்தின் ஒரு மூலையில் நானும் ஒரு புல்லாய் இருக்க வேண்டுமென்று ஆவலில் நானும் இங்கு இணைந்துள்ளேன்...... என்னையும் ஒரு நண்பனாய் அணைவரும் ஏற்றுக் கொள்வீர்கள் என்று நம்புகிறேன்......

என்னைப் பற்றிய அறிமுகம்.....
தற்பொழுது சிவகாசியில் வசிக்கின்றேன்.... எனது புனைப் பெயர் : ஜோஸ், ராஜா & தமிழ்

நான் கவிஞன் அல்ல, கவிதைகள் எழுதுவதற்கு
நான் புலவன் அல்ல, பாக்கள் இயற்ற‌
நான் ஓவியன் அல்ல, ஓவியம் தீட்ட‌
நான்........ ஒரு ரசிகன் மட்டுமே
இன்பத்தில் மட்டுமல்ல.....
துன்பத்திலும் அதன் ஆழத்தை ரசிப்பவன்.......
பூவின் அழகை மட்டுமல்ல,
பூவை தாங்கும் காம்பையும் ரசிப்பவன்......
நண்பனின் இன்பத்தை மட்டுமல்ல,
நண்பனின் துயரையும் உரிமையாய் பகிர்பவன்.....
வாழ்க்கை எனும் பயணத்தில்
முப்பது ஆண்டுகள் தேய்ந்துவிட்டது......
வாழ்ந்த ஆண்டுகளை நினைத்துப் பார்த்து
இனி வாழும் ஆண்டுகளை
வீணடிக்க விரும்பாதவன்.........
காற்றுள்ள பந்தை எவ்வளவு அமுக்கினாலும்,
அமிழாது அது போல்...... எத்துயர் என்னை
சூழ்ந்தாலும் என் மனதின் நம்பிக்கை
என்றும் குறையாது.........

உலகில் வாழும் ஒவ்வொரு நாளும்.ஏதாவது ஒரு புதிய விஷயத்தை அறிந்துக் கொள்ள வேண்டும் என்ற ஆவல் உள்ளவன்...... இன்னும் நான் ஒரு மாணவனே... உலகம் என்னும் பள்ளியில்......

நண்பர்கள் நான் கிறுக்கும் வார்த்தைகளைப் பொறுத்து, அதன் தவறுகளை நட்புடன் சுட்டிக் காட்டி, என்னையும் நானும் ஒரு மலராய் மாற உதவுமாறு கேட்டுக் கொள்கிறேன்.....

முதல் நாளிலேயே நான் பதிந்த அணைத்து பதிவுகளுக்கும் நண்பர்களின் ஆதரவு நான் நினைத்ததை விட அதிகம்........ நிச்சயம் நான் என் உயிரினும் மேலான தமிழுக்கு பெருமை சேர்க்கும் ஒரு கடலில் நானும் ஒரு ஓடையாய் சேர்ந்துள்ளேன் என்பது மிகவும் மகிழ்ச்சி........

வாழ்க தமிழ்............ வளர்க தமிழினம்

வாங்க ஜோஸ் உங்களை வருக வருக என வாழ்த்தி வரவேற்கிறோம்...

[You must be registered and logged in to see this image.]

உங்கள் அறிமுகமே நல்லா இருக்கு... நீங்கள் என்றும் வற்றாத ஓடையாய் நமது தோட்டத்தை நனைக்க வேண்டும் என்று வாழ்த்துகிறேன் நண்பரே... உங்கள் வருகையால் நமது தமிழ்த்தோட்டம் மகிழுகிறது...

வாங்க ஜோஸ் இணைந்து தோட்டத்தில் கலக்குவோம் [You must be registered and logged in to see this image.]