வியாபாரத்தில் எவ்வளவு இலாபம் வைக்க வேண்டும்

by **RAJABTHEEN** Sun Nov 14, 2010 4:17 am

கேள்வி ; வியாபாரத்தில் எவ்வளவு இலாபம் வைக்க வேண்டும் என்பதற்கு குர்ஆன் ஹதீஸில் வரைமுறை எதுவும் உள்ளதா? விளக்கவும்.
பதில் ; வியாபாரத்தில் இவ்வளவு தான் இலாபம் வைக்க வேண்டும் என்று வரைமுறை எதுவும் மார்க்கத்தில் கூறப்படவில்லை. விற்பவரும் வாங்குபவரும் பொருந்திக் கொள்வது தான் வியாபாரம். விற்பவர் எவ்வளவு இலாபம் வைத்திருந்தாலும் அதை வாங்குபவர் பொருந்திக் கொண்டால் அது மார்க்கத்தில் அனுமதிக்கப்பட்ட வியாபாரம் தான்.
விற்பவரும் வாங்குபவரும் பிரியாமருக்கும் வரை வியாபாரத்தை முறித்துக் கொள்ளும் உரிமை இருவருக்கும் உண்டு. அவ்விருவரும் உண்மை பேசி, குறைகளைத் தெளிவு படுத்தியிருந்தால் அவர்களுடைய வியாபாரத்தில் பரக்கத் அளிக்கப்படும். குறைகளை மறைத்துப் பொய் சொல்யிருந்தால் அவர்களின் வியபாரத்தில் உள்ள பரக்கத் நீக்கப்படும் என்று அல்லாஹ்வின் தூதர் (ஸல்) அவர்கள் கூறினார்கள்.
அறிவிப்பவர்: ஹகீம் பின் ஹிஸாம் (ர), நூல்: புகாரி 2079
வியாபாரி கூறும் விலையை வாங்குபவர் ஏற்றுக் கொண்டால் பொருளை வாங்கலாம். அந்த விலையில் உடன்பாடில்லை என்றால் அந்தப் பொருளை வாங்காமல் விட்டு விடலாம். இதில் இவ்வளவு தான் விலை வைக்க வேண்டும் என்று மார்க்கம் எந்த நிபந்தனையையும் விதிக்கவில்லை. ஆனால் அதே சமயம் மேற்கண்ட ஹதீஸில் கூறப்படுவது போல், குறைகளை மறைக்காமல், பொய் சொல்லாமல் விற்க வேண்டும்.
உள்நாட்டுப் பொருளை வெளிநாட்டுப் பொருள் என்று கூறியோ, அல்லது தரமில்லாத ஒரு பொருளை தரமானது என்று கூறியோ விற்பனை செய்யக் கூடாது. அதே போல் அதிக இலாபம் கிடைக்க வேண்டும் என்பதற்காக பதுக்கி வைக்கவும் கூடாது.
யார் விலையை ஏற்றுவதற்காக வியாபாரம் செய்யாமல் பதுக்கி வைக்கின்றாரோ அவர் தவறிழைத்து விட்டார் என்று அல்லாஹ்வின் தூதர் (ஸல்) அவர்கள் கூறினார்கள்.
அறிவிப்பவர்: மஃமர் (ர), நூல்: முஸ்ம் 3012

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

வியாபாரத்தில் எவ்வளவு இலாபம் வைக்க வேண்டும்

வியாபாரத்தில் எவ்வளவு இலாபம் வைக்க வேண்டும்