எதிர்பார்ப்பு

by k seenu vasan Sun Oct 16, 2011 2:27 am

நகர நெரிசலின் குறுகிய சந்தில்
ஜனத்திரள் ஊடேயான பயணத்தில்
திடுமென ஒரு பொழுதில்
கண் பொத்தி நிறுத்தும் கரங்கள்
யாருடையதாக இருக்கும்?

முகம் பார்த்து முகம் பார்த்து
சலித்துபோன கண்களுக்கு
இழையறாது சரஞ்சரமாய்
நீளும் கற்பனையில்
விதம் விதமாய் தலைகள்!

கண்களற்று போயிருந்தால்
எதை உனக்கான பிம்பமென்று
தீர்மானித்திருக்க முடியும்?
சமயத்தில் கபடம் ஏதுமற்ற
புன்னகைமுகம் காணக்கிடைக்கலாம்!