என்னதான் செய்வேன்?

by Nagai.S.Balamurali Tue Oct 18, 2011 11:50 pm

என்ன என்னவே எண்ணங்கள்..
வாழ்க்கையின் ஆரம்பத்தில்..
எண்ணி எண்ணி வடிவமைத்தாலும்..
எண்னத்திலிருந்து எப்படியும் மாறித்தான் போகிறது
வாழ்க்கை..
சந்திப்பவர்களையெல்லாம்
இறுதி வரை உடனிருப்பார்கள் என்று
எண்ணி எண்ணி..
எண்ணி எண்ணி
வாழ்க்கைப் பயணத்தின் ஒவ்வொரு நிறுத்தத்திலும்
ஒவ்வொருவராக மறைந்து போகிறார்கள்
மறந்தும் போகிறார்கள்
நான் மட்டும் இன்னும் போய்க் கொண்டே இருக்கிறேன்
சக பயணி இல்லாத அனாதையாக..
எனக்கான நிறுத்தம் எப்போதுதான் வருமோ?
அல்லது வராமலே போய்விடுமோ என்று புரியாமல்.

(இது கவிதை அல்ல..! உண்மையில் புலம்பம் வாழ்வின் விரக்தியை அன்றாடம் அனுபவிக்கும் என்னைப் போன்ற ஏராளமானோரின் புலம்பல்..)