திருச்சி: திருச்சி மேற்கு இடைத்தேர்தல் ஓட்டு எண்ணிக்கை
இன்று காலை 8 மணிக்குத் துவங்கியது. முதலில் தபால் ஓட்டுகள் எண்ணப்பட்டன.
மொத்தம் பதிவான 5 தபால் ஓட்டுகளும் தி.மு.க., வேட்பாளர் நேருவுக்கு
கிடைத்துள்ளன. 16வது சுற்றின் முடிவில், அ.தி.மு.க., வேட்பாளர் பரஞ்சோதி 63
ஆயிரத்து 703 ஓட்டுகளும், தி.மு.க., வேட்பாளர் கே.என். நேரு 50 ஆயிரத்து
566 ஓட்டுகளும் பெற்றனர். ஓட்டு வித்தியாசம் 13 ஆயிரத்து 137 ஓட்டுகள்.


புதுச்சேரி இடைத்தேர்தலில் ரெங்கசாமி தலைமையிலான என்.ஆர்,.
காங்கிரஸ் சார்பில் போட்டியிட்ட தமிழ்செல்வன் 8ஆயிரம் ஓட்டுக்கள்
வித்தியாசத்தில் வெற்றி பெற்றார்.

திருச்சி மேற்கு தொகுதிக்கு
கடந்த 13ம் தேதி இடைத்தேர்தல் நடந்தது. தி.மு.க., சர்பில் முன்னாள்
அமைச்சர் நேருவும், அ.தி.மு.க., சார்பில் பரஞ்ஜோதியும் போட்டியிட்டனர்.
இருவருக்குமிடையே நேரடிப் போட்டி ஏற்பட்டது."சட்டசபைத் தேர்தலை பொறுத்தவரை
திருச்சி மாவட்டம், தி.மு.க.,வின் கோட்டை' என்று சொல்லும் அளவுக்கு கடந்த
காலங்களில், திருச்சி தி.மு.க., வசம் இருந்தது. ஸ்ரீரங்கம், மருங்காபுரி
(தற்போது மணப்பாறை) தொகுதியைத் தவிர பிற தொகுதிகளில் பெரும்பாலும்,
தி.மு.க.,வே வெற்றி பெற்று வந்தது. கடந்த 2006 தேர்தலில் ஸ்ரீரங்கம்,
மருங்காபுரியைத் தவிர, மற்ற ஏழு தொகுதிகளிலும் தி.மு.க.,வே வெற்றி வெற்றது.

கடந்த
ஏப்ரல் மாதம், 14வது சட்டசபைக்கான 2011ம் ஆண்டு சட்டசபை பொதுத் தேர்தல்
நடந்தது. தி.மு.க., - காங்., விடுதலை சிறுத்தைகள், இந்திய யூனியன் முஸ்லிம்
லீக் ஓரணியாகவும், அ.தி.மு.க., - தே.மு.தி.க., - கம்யூ., - ம.ம.க.,
ஓரணியாகவும் போட்டியிட்டன.திருச்சி மாவட்டத்தில் திருச்சி கிழக்கு, மேற்கு,
ஸ்ரீரங்கம், மண்ணச்சநல்லூர், துறையூர், மணப்பாறை, திருவெறும்பூர், முசிறி
ஆகிய தொகுதிகளில், அ.தி.மு.க., கூட்டணி கைப்பற்றியது.கடந்த முறை ஏழு
தொகுதிகளை கைவசம் வைத்திருந்த, தி.மு.க., இந்த முறை லால்குடி தொகுதியில்
மட்டும் வெற்றி வெற்றது. சக்தி வாய்ந்த அமைச்சர் நேருவை எதிர்த்து
போட்டியிட்ட, அ.தி.மு.க.,வைச் சேர்ந்த மரியம்பிச்சை, 7,000க்கும் மேற்பட்ட
ஓட்டுகள் பெற்று வெற்றி வெற்றார். மரியம்பிச்சைக்கு சுற்றுச்சூழல் துறை
அமைச்சர் பதவி வழங்கப்பட்டது. மே மாதம் சென்னைக்குச் செல்லும் வழியில் லாரி
விபத்தில் சிக்கி, அமைச்சர் மரியம்பிச்சை பரிதாபமாக உயிரிழந்தார்.
"ஆளுங்கட்சி
செல்வாக்கில் வெற்றி பெற்று விடுவோம்' என்ற நம்பிக்கையில் பரஞ்ஜோதியும்,
"சிறையில் அடைக்கப்பட்டதால் ஏற்பட்ட அனுதாபத்தில் வெற்றி பெறுவோம்' என்ற
நம்பிக்கையில் நேருவும் உள்ளனர். இன்று காலை அதற்கான விடை தெரியும். காலை 8
மணிக்கு ஓட்டு எண்ணிக்கை துவங்கி நடந்து வருகிறது. சட்டசபைத் தேர்தலில்
தோல்வி அடைந்து எதிர்க்கட்சிக்கு கூட வர முடியாத தி.மு.க.,வினரும்,
பெரும்பான்மை பெற்று ஆட்சியமைத்த அ.தி.மு.க.,வுக்கும் இது கவுரவப்
பிரச்னையாக இருப்பதால், இரண்டு கட்சித் தலைமையும் இடைத்தேர்தல்,
"ரிசல்ட்'டை ஆவலுடன் எதிர்நோக்கியுள்ளன.
புதுச்சேரியில் ரெங்கசாமி கட்சி வெற்றி : புதுச்சேரி இந்திராநகர்
இடைத்தேர்தலில் ரெங்கசாமி தலைமையிலான என்.ஆர்.காங்கிரஸ் வேட்பாளர்
தமிழ்செல்வன் 8 ஆயிரத்து 46 ஓட்டுக்கள் வித்தியாசத்தில் வெற்றி பெற்றார்.
ஓட்டு எண்ணிக்கை இறுதி சுற்றின்படி தமிழ்செல்வன் , 15 ஆயிரத்து 53
ஒட்டுக்களும், காங்., வேட்பாளர் ஆறுமுகம் 7 ஆயிரத்து 7 ஓட்டுக்களும்,
அ..தி.மு.க.,வேட்பாளர் வெங்‌கடேஸ்வரன் என்ற பாஸ்கரன் ஆயிரத்து 578
ஓட்டுக்களும் பெற்றனர்.


நன்றி தினமலர்

தெரிஞ்ச முடிவுதான்! ஆனால் வெற்றிவித்தியாசம் அதிகமானதுதான் ஆச்சர்யம்! [You must be registered and logged in to see this image.]

முடிவு சொல்லியாச்சு ..