சென்னை: அதிமுகவுடன் கடுமையாக மோதி வரும் திமுக சில இடங்களில் முன்னணியில்
உள்ளது. வார்டு உறுப்பினர்கள் பதவியில் குறிப்பிடத்தக்கத அளவுக்கு அக்கட்சி
கைப்பற்றி வருகிறது. அதேசமயம் அனைத்து இடங்களிலும் தபால் ஓட்டுக்களை
திமுகவே அள்ளியுள்ளது.

பத்து மாநகராட்சிகளிலும் திமுகவுக்கு
பி்ன்னடைவே ஏற்பட்டுள்ளது. அனைத்து இடங்களிலும் அக்கட்சி 2வது இடத்தில்
உள்ளது. சில நகராட்சிகளில் முன்னிலையில் உள்ளது. இருப்பினும் குளித்தலையில்
இக்கட்சி மதிமுகவிடம் பின்தங்கிப் போயுள்ளது.

சில இடங்களில்
சுயேச்சைகள் திமுகவை விட முன்னணியில் உள்ளனர். கூட்டணியை இழந்ததால் கடும்
பாதிப்பை சந்தித்துள்ளது திமுக என்பது கண்கூடாகத் தெரிகிறது. அதேசமயம்,
கூட்டணியைப் பிரிந்ததால் அதிமுகவுக்கு எந்தப் பாதிப்பும் ஏற்படாதது
வியப்பைத் தருகிறது.

பாமக, காங்கிரஸ் உள்ளிட்ட கூட்டணிக் கட்சிகளை
சேர்த்துக் கொண்டு தேர்தலை சந்தித்திருந்தால் திமுகவுக்கு கூடுதல் இடங்கள்
கிடைத்திருக்கக் கூடும் என்பது அக்கட்சிகள் வாங்கியிருக்கும் ஓட்டுக்களைப்
பார்த்தால் தெரிகிறது.

வார்டு உறுப்பினர் பதவியைப் பொறுத்தவரை
கணிசமான இடங்களைக் கைப்பற்றி வருகிறது திமுக. அதிமுகவுக்கு இணையாக வார்டு
உறுப்பினர் பதவியை போட்டி போட்டி திமுக மட்டுமே வாங்கி வருகிறது.

திமுகவைப்
பொறுத்தவரை அது முன்னணியில் உள்ள ஒரே இடம் தபால் வாக்குகள் மட்டும்தான்.
தமிழகம் முழுவதும் தபால் ஓட்டுக்கள் அத்தனையும் திமுகவுக்கே கிடைத்துள்ளது.
இது பெரும் வியப்பைத் தருகிறது. ஆட்சி மாறியும் கூட அரசு ஊழியர்கள்
தொடர்ந்து திமுகவுக்கே ஆதரவாக இருந்து வருவது இதன் மூலம்
வெளிப்படையாகியுள்ளது.

நன்றி உறவே .