தடைகளைக் கண்டு தளராதே!

by **thaliranna** Tue Oct 25, 2011 9:50 pm

தடைகளைக் கண்டு தளராதே!

எத்தனைதான்

தடைகள் வந்தாலும்

தளரவேண்டாம் தோழா!

தட்டி தட்டி போகிறதே என

வெட்டியாகத் திரியாதே!

கட்டி கட்டிப் போடுகிறார்களே

என்று கலங்கி நிற்காதே!

முட்டி முட்டி மோதியே

முட்டை குஞ்சு பொறிக்கிறது!

கூட்டை விட்டு குளவி வர

உடைத்து உடைத்து முயல்கிறது!

உலகைக் காணும் ஆவலில்

சிசுவும் உதைத்தே வெளியில்
வருகிறது!

தடையில்லா வாழ்வில்லை!

தயங்கி நிற்காதே! தடைகளையே

தடமாக்க கற்றுக்கொள்!

தடைகள் நம்மை புடம் போடும்
கலன்கள்!

தடைக் கற்களை

படிக்கற்களாக்கு!

துடிப்போடு படி ஏறிவா!

பாரதம் உன்னை வறவேற்கும்!

பாரினுள் உன் புகழ் நிற்கும்!

[You must be registered and logged in to see this image.]

by **தமிழ்1981** Sat Oct 29, 2011 11:03 am

வணக்கம் நண்பரே,
மிகவும் அருமையான கவிதை....... எழுச்சியூட்டும் கவிதை ..........

"தடையில்லா வாழ்வில்லை!
தயங்கி நிற்காதே! தடைகளையே
தடமாக்க கற்றுக்கொள்!"

உண்மையான வரிகள்.... அருமை [You must be registered and logged in to see this image.]