இங்கிலாந்து ஒருநாள் தொடரில் ஜடேஜாவுக்கு 11 விக்கெட்; கோலி 270 ரன் குவித்தார்

[You must be registered and logged in to see this image.]

இந்தியா - இங்கிலாந்து அணிகள் மோதிய ஒரு நாள் தொடரை இந்திய அணி 5-0 என்ற கணக்கில் கைப்பற்றியது. இதன்மூலம் இந்திய அணி இங்கிலாந்தை சரியான முறையில் பழிவாங்கியது. இந்த தொடரில் ரன் குவிப்பில் வீராட்கோலி முதலிடத்தை பிடித்தார். அவர் 5 ஆட்டத்தில் விளையாடி 270 ரன் குவித்தார்.

2 ஆட்டத்தில் ஆட்டம் இழக்காததால் அவரது சராசரி 90 ஆகும். ஒரு சதமும், ஒரு அரை சதமும் அடித்துள்ளார். அதிகபட்ச ரன் 112 ஆகும். அவருக்கு அடுத்தப்படியாக காம்பீர் 213 ரன்கள் எடுத்து 2-வது இடத்தை பிடித்துள்ளார். 2 அரை சதம் அடித்துள்ளார். அதிகபட்ச ரன் 84.

இந்திய அணி கேப்டன் டோனி 212 ரன் எடுத்து 3-வது இடத்தை பிடித்தார். அவர் விளையாடிய 4 போட்டியிலும் அவுட் ஆகவில்லை. 2 அரைசதம் அடித்தார். 87 ரன் அதிகபட்சமாகும்.

டிராட் (இங்கிலாந்து) 202 ரன்னும், ரகானே 182 ரன்னும், ரெய்னா 179 ரன்னும், பீட்டர்சன் (இங்கிலாந்து) 170 ரன்னும் எடுத்தனர். பந்துவீச்சில் ரவீந்திர ஜடேஜா முத்திரை பதித்தார். 5 ஆட்டத்தில் 11 விக்கெட் கைப்பற்றினார். 33 ரன் கொடுத்து 4 விக்கெட் கைப்பற்றியது அவரது சிறந்த பந்துவீச்சு ஆகும்.

ஜடேஜாவுக்கு அடுத்தப்படியாக சென்னை வீரர் அஸ்வின் 2-வது இடத்தை பிடித்தார். அவர் 10 விக்கெட் கைப்பற்றினார். 28 ரன் கொடுத்து 3 விக்கெட் கைப்பற்றியது அவரது சிறந்த பந்துவீச்சு ஆகும். ஸ்டீவன் பின் (இங்கிலாந்து) 8 விக்கெட்டும், வினய்குமார் 6 விக்கெட்டும் கைப்பற்றினார்கள்

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

இங்கிலாந்து ஒருநாள் தொடரில் ஜடேஜாவுக்கு 11 விக்கெட்; கோலி 270 ரன் குவித்தார்

இங்கிலாந்து ஒருநாள் தொடரில் ஜடேஜாவுக்கு 11 விக்கெட்; கோலி 270 ரன் குவித்தார்