பாட்டியின் பரிதவிப்பு..

by சம்பத்குமார் Fri Oct 28, 2011 9:22 pm

ஓடித்திரிகையில்
பக்கத்துவீட்டு மாமா
கோவிலுக்குச் சைக்கிளில்
அழைத்துச் சென்றார்..
”எவ்வளவு பக்தி” என்று
மகிழ்ச்சியாய் அனுப்பி வைத்தார்கள்.

அப்போது அப்பாவின் சின்னஞ்சிறு மகள். !

கல்லூரி ஆண்
நண்பர்களுடன் சேர்ந்து
சினிமா பார்க்கச் சென்றபோது
ஆளுக்கொரு புறம் முகம் தூக்கி
வைத்துக் கொண்டனர்…

அப்போது அண்ணனின் தங்கை. !

சாலை மறியலால்
குடும்ப நண்பரின் மொபட்டில் வர
எல்லார் கண்ணும்
என்மேல் விழும் ஈட்டியானது…

அப்போது ஒருவருக்கு மனைவி !

”நான் கூட ஒருகாலத்தில்
கார் ஓட்டியிருக்கிறேன்”
சொன்னவளை கேலியாய் பார்த்தனர்...

அப்போது பிள்ளைகளின் தாய்..!

”உனக்கெல்லாம் வண்டி சவாரி
ஒத்து வராதென”
வீட்டிலேயே உட்கார்த்திவிட்டு
கையசைத்துச் செல்கின்றனர்…

இப்போது குழந்தைகளுக்குப் பாட்டி !

யாருக்கும் தெரியவில்லை இன்னும்
நானும் ஓர் மனுஷியென….