* சமையலறையில் அடுப்புகளை, உயரே மேடையில் வைத்து சமையுங்கள். நடக்கும் வழியில் அல்லது மரக் கதவுகள் அருகில், மரமேஜை ஆகியவற்றின் மீது ஸ்டவ், அடுப்பு முதலியவற்றை வைத்து தீ மூட்டுவது ஆபத்து.

* குழந்தைகளுக்கு எட்டும்படியாகத் தீப்பெட்டிகளை வைக்காதீர்கள். குழந்தைகளை சமையலறையில் விளையாட அனுமதிக்கக் கூடாது. மண்ணெண்ணெய், ஸ்பிரிட், பெட்ரோல் போன்றவற்றைக் குழந்தைகளின் கண் பார்வையிலிருந்து அகற்றுங்கள்.

* சமைக்கும் போது, முடிந்த வரை பருத்தி ஆடைகள் அணிவது நல்லது.

* சில சமயம் எண்ணெயைக் காய வைக்கும் போது, அதில் தண்ணீர் இருந்தால் பற்றிக் கொண்டு விடும். அந்த சமயங்களில் தீயை அணைக்க, மேலும் தண்ணீர் கொட்டக் கூடாது; அப்போது தீ அதிகமாகும். அடுப்பை சட்டென்று அணைத்து, எரியக்கூடிய பொருட்களை அதிலுள்ள தண்ணீர் தானாகவே எரிந்து அணைந்து விடும். தீ பெரியதாக இருந்தால், மேலே மணலைக் கொட்டலாம்.

* சமைக்கும் போது, கூடிய மட்டும் உலோக இடுக்கிகளை உபயோகப்படுத்தலாம். உபயோகிக்கும் துணி தவறிப் போய் தீ பிடித்தால் உதறாமல், சட்டென்று தரையில் தேய்த்தால் அணையும்.

* ஆடையில் தீ பிடித்துக் கொண்டால், ஓடக் கூடாது; தரையில் விழுந்து நன்றாகப் புரள வேண்டும் அல்லது கோணியால் உடம்பை நன்றாகச் சுற்றினால், நெருப்பு அணைந்து விடும்.

* ஆழமான தீப்புண்களாக இருந்தால், புண்களுக்கு மேல் இருக்கும் துணிகளை அகற்றாமல், உடனுக்குடன் மருத்துவரை அணுகுவது நல்லது.

* பம்ப் ஸ்டவ் உபயோகப்படுத்தும் போது, அளவோடு பம்ப் செய்யுங்கள்.

* மின்சாரக் கம்பிகள் திறந்து இருந்தால், தீ விபத்து அல்லது மின் அதிர்ச்சி ஏற்பட ஏதுவாகும்.

* மின்சாரத்தால் இயங்கும் சமையலறை சாதனங்கள் அல்லது இஸ்திரிப் பெட்டி போன்றவற்றை உபயோகிக்கும் போது, மர மேஜை போன்றவற்றின் மீது வைப்பது அல்லது ஒரு மரப் பலகையின் மீது நின்று கொண்டு கையாள்வது நல்லது.

தினமலர்