இது எனக்குப் புரியவில்லை ரமேஷ்...
கருவை விளக்க முடியுமா???

கல்லறை நாள்
மாலைகளின்றி இருக்கிறது
பெரியப்பா சித்தப்பா கல்லறைகள்

சிசு wrote:இது எனக்குப் புரியவில்லை ரமேஷ்...
கருவை விளக்க முடியுமா???

- இது சென்ரியு என்பதால் நீங்கள் முதல் முறையாகப் படிக்கும்போதே பொருள் புரிந்திருக்க வேண்டும்...

சரி கருவை விளக்குவது அக்கவிஞனின் கடமையாகிறது.

சென்ற வாரம் கல்லறை நாள் வந்தது நினைவில் இருக்கலாம்.

நான் மாலை 6 மணிக்குப் பேருந்தில் (ஜன்னல் ஓரத்தி்ல் அமர்ந்து)பயணித்துக் கொண்டிருந்தேன்...

கல்லறைத் தோட்டத்தின் அருகிலேயே பேருந்து நிறுத்தம் என்பதால் கல்லறைகளை எட்டிப் பார்த்தேன்...

பல கல்லறைகளின் மீது மலர்வளையங்கள் மாலைகள் காணப்பட்டன...

சில கல்லறைகளின் மீது மலர்வளையங்கள் மாலைகள் எதுவுமே காணப்படவில்லை...

(கல்லறை நாள்
மாலைகளின்றி இருக்கிறது)

இரவு நேரம் நெருங்கிவிட்டதால் இனி அந்தக் கல்லறைகளுக்கு மலர்வளையங்கள் மாலைகள் எதுவுமே கிடைக்கப் போவதில்லை.

சில கல்லறைகளின் மீது மலர்வளையங்கள் மாலைகள் எதுவுமே காணப்படமைக்குப் சில காரணங்கள் இருக்கலாம்...

ஒரு கல்லறைக்குப் பக்கத்தில் மற்றொரு கல்லறை மாலையின்றி இருப்பதைக் கவனிக்கும் ஒருவர் அல்லது
பக்கத்துக் கல்லறைக்கு வரும் ஒருவர் பக்கத்துக் கல்லறை மாலையின்றி இருப்பதைக் கவனிக்கும்போது தான் கொண்டுவந்திருக்கும் இரண்டு மூன்று மாலைகளில் ஒரு மாலையை மாலையின்றி இருக்கும் பக்கத்துக் கல்லறைக்கும் சார்த்திருக்கலாம்...

ஆனால் யாரும் அவ்வாறு செய்யக்காணோம்...

யாதும் ஊரே யாவரும் கேளீர் என்று பெருமையாகச் சொல்லிக் கொள்ளும் நாம் பக்கத்து அக்கத்து நபர்களிடமே கூட உறவு முறையாக இருப்பதில்லை என்பது உண்மை.

கவிஞன் என்ற முறையில் பக்கத்து கல்லறையை உறவு முறையாகக் கொண்டதால்

பெரியப்பா சித்தப்பா கல்லறைகள்

என்ற மூன்றாம் அடியை எழுதினேன். இச்சென்ரியுவை கல்லறை நாளன்று செய்த அந்த மாலை 6 மணிப் பயணத்திலேயே எழுதி முடித்ததும் என் கல்லூரி கிறித்துவ நண்பனை (அலெக்சாண்டர்) கைபேசியில் அழைத்துச் சொன்னேன்.

கல்லறை நாள்
மாலைகளின்றி இருக்கிறது
பெரியப்பா சித்தப்பா கல்லறைகள்


எப்படிடா என்னுடைய சென்ரியு என்று... அவன் அழுதுவிட்டான்... அவன் அப்பாவிற்கு இந்தக் கல்லறை நாள் முதல் கல்லறை நாள் என்பதால் இருக்கும் என்று எண்ணினேன்.

சாரிடா மச்சான் என்றான்... எதுக்குடா என்றேன்...

எங்க பெரியப்பா கல்லறை மாலையில்லாம தான்டா இருந்துச்சி நான் மாலை போடலையே... சண்டைதான் காரணம்... அவங்க பசங்க வெளிநாட்டுல இருக்காங்க... தேங்ஸ் மச்சான்... திரும்பவும் மாலை வாங்கிக்கிட்டு பெரியப்பாவுக்குச் சார்த்தப்போறேன்...என்றான்.

இந்த சென்ரிவை எழுதியதற்காக நான் அப்போது பெருமைபட்டுக் கொண்டேன்.

கல்லறை நாள்
மாலைகளின்றி இருக்கிறது
பெரியப்பா சித்தப்பா கல்லறைகள்

விளக்கதிற்கும் படைப்புக்கும் நன்றி வாழ்த்துக்கள்

விளக்கத்திற்கு நன்றி ரமேஷ்

அருமையான படைப்பு கருத்து அண்ணா !

மிக்க மகிழ்ச்சி அரசன் தமிழ்த்தோட்டம் (யூஜின்) அ.இராஜ்திலக்

சாதித்த வரிகள்! [You must be registered and logged in to see this image.]