சங்ககரா சதம்: இலங்கை அணி அபாரம்

ஷார்ஜா: பாகிஸ்தானுக்கு எதிரான மூன்றாவது டெஸ்டில், சங்ககரா சதம் அடித்து கைகொடுக்க, முதல் நாள் ஆட்டநேர முடிவில் இலங்கை அணி 245 ரன்கள் எடுத்திருந்தது.
பாகிஸ்தான், இலங்கை அணிகளுக்கு இடையிலான மூன்றாவது டெஸ்ட், ஷார்ஜாவில் நேற்று துவங்கியது. டாஸ் வென்ற இலங்கை கேப்டன் தில்ஷன், பேட்டிங் தேர்வு செய்தார்.

தில்ஷன் அரைசதம்:

முதல் இன்னிங்சை துவக்கிய இலங்கை அணிக்கு, பரணவிதனா (4) மோசமான துவக்கம் அளித்தார். பின் இணைந்த தில்ஷன், சங்ககரா ஜோடி அபார ஆட்டத்தை வெளிப்படுத்தியது. பாகிஸ்தான் பந்துவீச்சை எளிதாக சமாளித்த தில்ஷன், அரைசதம் அடித்தார். இரண்டாவது விக்கெட்டுக்கு 173 ரன்கள் சேர்த்த போது தில்ஷன் (92) சதம் அடிக்கும் வாய்ப்பை இழந்தார்.

சங்ககரா அபாரம்:

மறுமுனையில் பொறுப்பாக ஆடிய சங்ககரா, டெஸ்ட் அரங்கில் தனது 27வது சதம் அடித்தார். தவிர இவர், 28வது ரன்னை கடந்த போது, டெஸ்ட் அரங்கில் ஒன்பதாயிரம் ரன்கள் என்ற புதிய மைல்கல்லை எட்டினார். இலங்கை அணி, முதல் இன்னிங்சில் 2 விக்கெட்டுக்கு 245 ரன்கள் எடுத்திருந்த போது, போதிய வெளிச்சமின்மை காரணமாக, முதல் நாள் ஆட்டம் முடிவுக்கு வந்தது. சங்ககரா (112), மகிளா ஜெயவர்தனா (32) அவுட்டாகாமல் இருந்தனர். பாகிஸ்தான் சார்பில் உமர் குல், சயீத் அஜ்மல் தலா ஒரு விக்கெட் கைப்பற்றினர்.

நன்றி தினமலர்

by **vinitha** Fri Nov 04, 2011 4:36 pm

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

சங்ககரா சதம்: இலங்கை அணி அபாரம்

சங்ககரா சதம்: இலங்கை அணி அபாரம்

Re: சங்ககரா சதம்: இலங்கை அணி அபாரம்