ஓர் இரவு..

by தமிழ்க்காதர் Sun Nov 06, 2011 12:46 pm

இருள் குறைந்த நகரத்தின்
இரைச்சலொழிந்த இவ்விரவில்
தனிமையைத் தின்று கொண்டிருக்கிறேன்
அல்லது
தனிமை என்னைத் தின்று கொண்டிருக்கிறது..

சுவர்க் கடிகாரத்தின் முள் நகரும் ஓசை
பேரிரைச்சலென செவி பிளக்கிறது..
இரவு விளக்கின் மெல்லிய வெளிச்சமோ
உச்சி சூரியனென உடலெரிக்கிறது..

அறைக்குள் நுழைந்து
பின் திடுக்கிட்டுத் திரும்பும்
எலிகளும் கரப்பான்களும்
நானின்னும் உறங்காதது குறித்து
எரிச்சலுறுகின்றன..

துயரத்தை யாரிடம்
பகிர்ந்து கொள்வதென யோசித்துக் கொண்டிருக்கையில்
’உச்’ கொட்டியவாறு
தங்கள் இரங்கலைப் பதிவு செய்கின்றன
சுவர்ப்பல்லிகள்..

நேரத்தை நகர்த்தவென
காற்றில் விரல் கொண்டு
நான் வரையும் ஓவியங்கள்
இந்த இரவைப் போலவே
அர்த்தமற்றிருக்கின்றன..

இத்தனை நீளமான
இந்த இரவைச் சபித்தபடி
படுக்கையில் புரள்கையில்
தொலைவில் ஒலிக்கிறது
சேவலொன்றின் கூவல்..

ஒருவழியாய்
இன்னும் சற்றைக்கெல்லாம்
முடிந்து விடும் இவ்விரவு
எனதிந்தக் கவிதையைப் போலவே..!

by **vinitha** Sun Nov 06, 2011 12:52 pm

அண்ணா சூப்பர் :héhé:

by தமிழ்க்காதர் Sun Nov 06, 2011 1:25 pm

நன்றி சகோதரி!

by **vinitha** Sun Nov 06, 2011 1:29 pm

அருமை

by **thaliranna** Sun Nov 06, 2011 6:19 pm

[You must be registered and logged in to see this image.]அருமையா இருக்கு இரவு வர்ணனை!

by **கவியருவி ம. ரமேஷ்** Sun Nov 06, 2011 7:56 pm

சுவர்க் கடிகாரத்தின் முள் நகரும் ஓசை
பேரிரைச்சலென செவி பிளக்கிறது...

கவிதை சிறப்பாக இருக்கிறது... இந்த வரிகள் இரவில் எழுந்துகொள்பவர்கள் உணர்ந்திருக்க முடியும்

by **தமிழ்1981** Tue Nov 08, 2011 1:45 pm

மிகவும் அருமையான கவிதை.... நண்பரே.....
"சுவர்க் கடிகாரத்தின் முள் நகரும் ஓசை
பேரிரைச்சலென செவி பிளக்கிறது..."

இரவு தூக்கம் இல்லாதவர்க்கு கடிகாரத்தின் முள் ஓசை கூட பேரிரைச்சல்.... தான்.....

[You must be registered and logged in to see this image.]

by **அ.இராமநாதன்** Tue Nov 08, 2011 3:19 pm

[You must be registered and logged in to see this image.]

[You must be registered and logged in to see this link.]

by Thanjaavooraan Tue Nov 08, 2011 5:41 pm

அறைக்குள் நுழைந்து
பின் திடுக்கிட்டுத் திரும்பும்
எலிகளும் கரப்பான்களும்
நானின்னும் உறங்காதது குறித்து
எரிச்சலுறுகின்றன..

யதார்தத்தை யதார்தமாய் சொல்லுவது கவிதை அல்ல. யதார்தத்தில் கவித்துவம் செய்வதே கவிதை.

தாங்கள் மிக அழகாய் கவிதை செய்து இருக்கிறீர்கள். வாழ்த்துக்கள்.

by Sponsored content

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

ஓர் இரவு..

ஓர் இரவு..

Re: ஓர் இரவு..

Re: ஓர் இரவு..

Re: ஓர் இரவு..

Re: ஓர் இரவு..

Re: ஓர் இரவு..

Re: ஓர் இரவு..

Re: ஓர் இரவு..

Re: ஓர் இரவு..

Re: ஓர் இரவு..

Re: ஓர் இரவு..

Re: ஓர் இரவு..