தங்கச்சி வந்தியா..!

by **அ.இராமநாதன்** Wed Nov 16, 2011 1:20 pm

அண்மையில் எங்கள் வீட்டிற்கு ஒரு அண்டை வீட்டுக்காரர் வந்திருந்தார். அவர்
தமிழ், வடமொழி இரண்டிலுமே மெத்தப் படித்தவராகவோ அல்லது அனுபவித்துப்
படித்தவராகவோ இருக்க வேண்டும். பேசும் போதே பல முத்துக்களை உதிர்த்தார்.
அவற்றுள் என்னால் பொறுக்க முடிந்ததை உங்களுடன் பகிர்ந்து கொள்ள நினைக்கிறேன்.

1. அரசனும் புலவனும்

ஒரு அரச சபைக்கு புலவர் ஒருவர் வந்திருந்தார். அந்தப்புரத்தில் அரசியோடு
பேசிக் கொண்டிருந்த அரசன் புலவர் வந்ததைக் கேட்டு சபைக்கு விரைந்தான்.
அரசியும் கூடவே தொடர்ந்தாள்.

இருவரையும் பார்த்த புலவர் கைகூப்பி வணங்கி விட்டு, “தங்கச்சி வந்தியா?”
என்றார்.

இதைக் கேட்ட அரசனுக்குக் கோபம் பொத்துக் கொண்டு வந்தது, ஒரு ஏழைப் புலவன்
பட்டத்து ராணியைப் பார்த்து ஓர் உறவினன் போல ‘தங்கச்சி’ என்று அழைப்பதா
என்று. புலவரைப் பார்த்து அரசன், “என்ன ராணியைப் போய் தங்கச்சி உறவு
கொண்டாடுகிறாயா?” என்று சீறினான்.

புலவன் நிதானமாகச் சொன்னான், ”அரசே நான் கேட்டது அரசியார் தன் தலையில்
சூடியிருப்பது தங்கச் சிவந்தியா என்று, அதாவது தங்கநிற செவ்வந்திப் பூவா
என்று.”

புலவரின் சாமர்த்தியத்தை மெச்சி அரசன் அவருக்கு இரட்டிப்பு பாரிசளித்தான்.

===========================
>நடராஜன் கல்பட்டு