புத்தகமூட்டையின் புலம்பல்

by kalamkadir Wed Nov 16, 2011 11:11 pm

புத்தக மூட்டையின் புலம்பல்

புத்தகம் யாவும் சுமப்பதால்
வித்தக மென்று சொல்வதா?
ஓடி ஆடும் பருவமே
நாடி நரம்பும் சுருங்குமே

கணினி யுகத்தில் இப்படிப்
பணிய வைத்தல் பாவமே
சட்ட மன்றம் இன்னமும்
சட்டை செய்யா திருப்பதேன்?

பாரா ளுமன்றம் இன்னமும்
பாரா முகமாய் இருப்பதேன்?
முதுகு வலியும் முடமும்
புதிய வலியாய் புறப்படும்

ஓட்டை முதுகெ லும்பினால்
நாட்டின் முதுகெ லும்புகள்
மூட்டைச் சுமக்கும் முயற்சியில்
நாட்டைச் சுமக்கப் பயிற்சியா?

போலி யோவின் மருந்துமே
போலி யாகி வருந்துமே
கேள்விக் குறியாம் முதுகிலே
கேள்விக் குறியாம் வாழ்விலே

நோட்டுச் சுமைகள் கூடவே
வீட்டுப் பாடம் சேரவே
களைத்துப் போகச் செய்வதால்
விளையும் பயிரும் முடங்குமே

--

”கவியன்பன்” கலாம்,

by லெட்சுமி Wed Nov 16, 2011 11:44 pm

நல்லா இருக்கு வரிகள் பாராட்டுக்கள் நண்பரே

by **thaliranna** Thu Nov 17, 2011 6:16 pm

நோட்டுச் சுமைகள் கூடவே
வீட்டுப் பாடம் சேரவே
களைத்துப் போகச் செய்வதால்
விளையும் பயிரும் முடங்குமே

உண்மையான வரிகள்! பாராட்டுக்கள் நண்பரே! [You must be registered and logged in to see this image.]

by **vinitha** Thu Nov 17, 2011 6:24 pm

:héhé:

by **தங்கை கலை** Thu Nov 17, 2011 6:36 pm

நோட்டுச் சுமைகள் கூடவே
வீட்டுப் பாடம் சேரவே
களைத்துப் போகச் செய்வதால்
விளையும் பயிரும் முடங்குமே
கவிதை மிக அருமை அண்ணா .....

எங்கள் வேதனைகளை சொல்ல நீங்களாவது முன் வந்தது மகிழ்ச்சி அண்ணா ...

நானும் என் தங்கை யும் தினமும் இந்த புத்தகங்களோடும் ,தனி வகுப்பு ஆசிரியரோடும் போராடும் வாழ்வை என்ன வேண சொல்வது

by **nanjilmano** Thu Nov 17, 2011 7:47 pm

ஓட்டை முதுகெ லும்பினால்
நாட்டின் முதுகெ லும்புகள்
மூட்டைச் சுமக்கும் முயற்சியில்
நாட்டைச் சுமக்கப் பயிற்சியா?//

அருமையான சுளீர் சாட்டையடிகள், உணர்வார்களா...???!!!