நன்றி - [You must be registered and logged in to see this link.]
பஸ் - மின் கட்டணங்கள், பால் விலை, "விர்ர்...!'

மலைபோல் கடன்தொகை அதிகரித்து, திவாலாகும் நிலையில் தத்தளித்துக்கொண்டிருக்கும் மின்சார வாரியம், போக்குவரத்துத் துறை மற்றும் ஆவின் ஆகிய மூன்று துறைகளையும் காப்பாற்றும் வகையில், நேற்று நடந்த அமைச்சரவை கூட்டத்தில், முதல்வர் ஜெயலலிதா அதிரடி முடிவுகளை எடுத்தார். ஆட்சிப் பொறுப்பேற்ற கடந்த ஆறு மாதங்களாக, மக்கள் கசப்புறும் வகையில் எவ்வித முடிவுகளையும் எடுக்காமல், பல்வேறு நலத்திட்டங்களை செயல்படுத்தி வரும் ஜெயலலிதா, முதல் முறையாக போக்குவரத்து கட்டணங்கள், ஆவின் பால் கொள்முதல் மற்றும் விற்பனை விலைகளை கணிசமாக உயர்த்தி, மக்களுக்கு கசப்பு மருந்து அளித்துள்ளார். மின் கட்டணமும் விரைவில் உயரும் என்றும், அவர் தெரிவித்துள்ளார். ஆட்சிப் பொறுப்பேற்ற கடந்த ஆறு மாதங்களாக, மக்கள் பாதிக்கும் வகையில் எவ்வித முடிவுகளையும் எடுக்காமல், அதே நேரத்தில் இலவச ஆடு, மாடு, கிரைண்டர், மிக்சி, மாணவர்களுக்கு, "லேப்-டாப்', இலவச அரிசி என, மக்கள் மகிழ்ச்சியுறும் வகையில் பல்வேறு நலத்திட்டங்களை அ.தி.மு.க., அரசு செயல்படுத்தி வருகிறது. எனினும், மின்சார தட்டுப்பாடு பிரச்னை, அரசுக்கு பெரும் தலைவலியாக இருந்து வருகிறது.

மின்சார தட்டுப்பாட்டால், மாநிலத்தின் உற்பத்தி பெரிதும் பாதிக்கப்பட்டுள்ளது. மின்சார பிரச்னையை சரிசெய்ய, ஜெயலலிதா தீவிர நடவடிக்கை எடுத்து வருகின்றபோதும், முதல்வரின் முயற்சிகளுக்கு மத்திய அரசு ஒத்துழைக்காததால், மின்சார வாரியத்தின் நிலைமை கோமா நிலைக்கு தள்ளப்பட்டுள்ளது. கடந்த மார்ச் 31ம் தேதி நிலவரப்படி, மின்சார வாரியத்தின் கடன்தொகை 40 ஆயிரத்து 659 கோடி ரூபாயாக உயர்ந்துள்ளது. இந்த நிதியாண்டின் இறுதியில், இந்த அளவு, 53 ஆயிரம் கோடியை தாண்டிவிடும் அபாயம் உள்ளது.

அதேபோல், ஆவின் பால் கொள்முதல் மற்றும் வினியோகத்திலும் தொடர்ந்து பிரச்னை நீடித்து வருகிறது. தனியார் பால் நிறுவனங்கள், பால் உற்பத்தியாளர்களுக்கு அதிக விலை கொடுப்பதால், தனியார் நிறுவனங்களுக்கு மக்கள் அதிகளவில் பால் வழங்கி வருகின்றனர். இதனால், ஆவின் பால் கொள்முதல் அளவு 22 லட்சம் லிட்டரில் இருந்து, கடுமையாக குறைந்துவிட்டது. ஆவின் பால் தட்டுப்பாடு பெரும் பிரச்னையாக இருந்து வருகிறது.

மத்தியிலும், ஆளும் காங்கிரஸ் கூட்டணி அரசு, தொடர்ச்சியாக பெட்ரோல், டீசல் விலைகளை உயர்த்தி வருகிறது. ஆனால், பஸ் கட்டணங்களை தமிழக அரசு உயர்த்தவில்லை. இதனால், ஏற்கனவே பல கோடி ரூபாய் நஷ்டத்தில் இயங்கிவரும் போக்குவரத்துக் கழகங்கள், டீசல் விலை உயர்வு காரணமாக மேலும் பல மடங்கு நஷ்டத்தை சந்தித்து வருகின்றன. போக்குவரத்துக் கழகம், கடந்த மார்ச் 31ம் தேதி நிலவரப்படி 6,150 கோடி ரூபாய் நஷ்டத்தில் உள்ளது.
மரணப் படுக்கையில் உள்ள இந்த மூன்று துறைகளையும் உயிர்ப்பிக்கும் வகையில், நேற்று நடந்த அமைச்சரவை கூட்டத்தில், முதல்வர் ஜெயலலிதா அதிரடி முடிவுகளை எடுத்தார். அதன்படி, போக்குவரத்து கட்டணங்கள், ஆவின் பால் கொள்முதல் விலை மற்றும் விற்பனை விலை ஆகியவற்றை கணிசமாக உயர்த்தி, முதல்வர் அறிவித்துள்ளார்.
பசும்பால் கொள்முதல் விலையை 2 ரூபாய் உயர்த்தி லிட்டருக்கு 20 ரூபாயாகவும், எருமைப்பால் விலை 2 ரூபாய் உயர்த்தி, லிட்டருக்கு 28 ரூபாயாகவும் வழங்கப்படும் என, அறிவித்துள்ளார். இதனால், ஆவின் பால் விற்பனை விலை, லிட்டருக்கு 17.75 ரூபாயில் இருந்து, 24 ரூபாயாக உயர்கிறது. மேலும், மின் கட்டணங்கள் விரைவில் உயரும் என்றும் கூறியுள்ளார். எனினும், விவசாயிகள்,நெசவாளர்கள், ஒரு விளக்கு திட்டத்தின் கீழ் வருபவர்கள் ஆகியோருக்கான இலவச மின்சாரம் தொடரும் என்றும் முதல்வர் அறிவித்துள்ளார்.

இது குறித்து முதல்வர் கூறும்போது,"வெள்ளம் வரும்முன்பே அணை போட வேண்டும். மரணப் படுக்கையில் உள்ள இந்த பொதுத்துறை நிறுவனங்களுக்கு, தற்போது ஆக்சிஜன் வழங்கவில்லை எனில், அவை முற்றிலும் செயலற்றுவிடும். அதை தடுக்கவே இந்த நடவடிக்கையை எடுக்க வேண்டிய நிலைமை ஏற்பட்டுள்ளது' என, தெரிவித்துள்ளார்.
மொத்தத்தில், மக்களின் அன்றாட வாழ்க்கைக்கு மிகவும் அத்தியாவசியமாக உள்ள மின்சாரம், பஸ், பால் ஆகிய மூன்றின் கட்டணங்களையும் உயர்த்தி, மக்களுக்கு கசப்பு மருந்து வழங்கியுள்ளார் ஜெயலலிதா.

அட

வறுமைக் கோட்டுக்குக் கீழோ அல்லது நடுத்தர மக்களுக்கான அரசாக மத்திய அரசும் மாநில அரசும் இல்லை என்பது உண்மை.

கேட்டால் வல்லரசாக வேண்டாமா என்று திரும்பிக் கேட்கிறார்கள்.

(எதுல எவ்வளவு வெல ஏத்துனாலும் இந்திய புள்ளைங்க தாங்கறாங்கடா)

விலைஏற்றம் தவிர்க்க முடியாதது!

பால் வேண்டுமானால் வாங்கிக் குடிக்காமல் இருந்துவிடலாம்

பயணம் செய்யாமல் இருக்க முடியாதே?

ஐயா ரயில் கட்டணங்களும் ஏற்றப்பட்டு விட்டன