நம்மில் ஒரு சிலர்க்கு வாழைக்காய் , உருளை கிழங்கு சாப்பிட்டால் வாயுக் கோளாறு வரும் என்றும், கத்தரிக்காய் சாப்பிட்டால் அலரிஜி ஆகும் என்றும், வெள்ளரிக்காய் சாப்பிட்டால் ஈரம் என்றும் சிலர் சில ஆரோக்கியமான உணவுகளை தள்ளி வைப்பார்கள்.. உடலுக்கு ஒற்றுக்கொள்ளாத உணவுகளை அவர்கள் தள்ளி வைப்பதும் சரிதான்.. இந்த தொல்லைகள் சில நேரங்களில் நம்மை தாக்க கூடும். உணவுகளை முறைபடி சமைத்தால் இந்த தொல்லைகளில் இருந்து தப்பிக்கலாம்..



* வாயுத்தொல்லை உள்ளவர்கள் இதிலிருந்து விடுபட உணவில் அதிக அளவு மிளகு, பூண்டு சேர்த்து சமைக்கவும்

* சிலருக்கு உடம்பில் அலர்ஜி, அரிப்பு ஏற்ப்படும் அப்படி அரிப்பு ஏற்படுபவர்கள் கொத்தமல்லி, முருங்கை கீரை, பீட்ரூட் போன்றா காய், கீரைகளை சேர்த்துக்கொள்ளவும். சிலரின் உடலுக்கு அலர்ஜி ஏற்படும் காய்களை தவிர்த்துவிடுவது நலம்.
* பித்தத்தைப் போக்க அரைக்கீரை சாப்பிடலாம். தண்ணீரில் எலுமிச்சை பழம் சாறு பிழிந்து சற்று உப்பு சேர்த்து குடிப்பது நல்லது.. கொத்தமல்லி சட்னி வைத்து சாப்பிடுவதால் பித்தம் தனியும்
* சிலருக்கு புளித்த ஏப்பம் வரும் அப்படியிருப்பவர்கள் சிறு துண்டு இஞ்சி, 2 வெற்றிலை, 2,3 கல உப்பு வைத்து உரலில் தட்டி சாறு எடுத்து குடிக்கவும்.
* உடல் சூடு தனிய பசும் பால், நெய் , மோர் அதிகம் சேர்க்கவும். மணத்தக்காளி கீரையும் நெய் கலந்து சாப்பிடுவதால் உடல் சூடு தனியும்.
* மூல நோய் சூடு தணிய நன்றாக தண்ணீர் அதிகம் குடிக்கவும். உணவில் அகத்திக்கீரை சேர்க்கவும்.
* சிறு நீரக கோளாறு இருப்பவர்கள் காலை வெறும் வயற்றில் வாழைத்தண்டு சாறு குடிக்கலாம்.
* உடலில் நோய் எதிர்ப்பு சக்தியினை தரக்கூடியது அருகம்புல் சாறு..
* இரவும் தூங்கும் முன்பு 2 டம்ளர் தண்ணீர் குடிக்கவும். காலை எழுந்தவுடன் 2 டம்ளர் தண்ணீர் குடித்தால் உடலில் இருக்கும் உட்புறமுள்ள உறுப்புகள் சுத்தம் செய்து கழிவுகளாக வெளிவரும். மலச்சிக்கல் இல்லாமல் இருக்கும்

இது போன்ற ஆரோக்கியமான உணவுப் பழக்கங்களை பின்பற்றினால் நோயில்லாமல் வாழலாம்.

அரோக்கியமான தகவல் பகிர்வுக்கு நன்றி அக்கா

நன்றி நன்றி

உடல் சூடு தனிய பசும் பால், நெய் , மோர் அதிகம் சேர்க்கவும். மணத்தக்காளி கீரையும் நெய் கலந்து சாப்பிடுவதால் உடல் சூடு தனியும்.
அக்கா தயிர் சூடா

by தங்கை கலை Today at 7:20 am

உடல் சூடு தனிய பசும் பால், நெய் , மோர் அதிகம் சேர்க்கவும். மணத்தக்காளி கீரையும் நெய் கலந்து சாப்பிடுவதால் உடல் சூடு தனியும்.
அக்கா தயிர் சூடா

தயிர் அதிகம் சேர்த்துக்கொள்ளலாம்.. நல்லதே.. மோர்ராக சேர்க்கும் பொழுது இன்னும் பலன் அதிகம்