மீண்டும் பிரிகிறார்கள் பயஸ், பூபதி

இந்திய டென்னிஸின் தலைசிறந்த இரட்டையர் ஜோடியான லியாண்டர் பயஸ், மகேஷ் பூபதி ஜோடி இனி இரட்டையர் ஜோடியாக சேர்ந்து விளையாடப்போவதில்லை என்று முடிவெடுத்துள்ளனர்.

சென்னை ஓபன் டென்னிஸ் தொடரில் பூபதி, ரோஹன் போபண்ணாவுடன் ஜோடி சேரப்போவதாக தமிழ்நாடு டென்னிஸ் சங்கத் தலைவர் அழகப்பன் தெரிவித்துள்ளார்.

"இந்த சீசன் முடிவில் பயஸ்-பூபதி ஜோடி பிரிகிறார்கள். சென்னை ஓபன் டென்னிஸ் தொடரில் பூபதி, ரோகன் போபண்ணாவுடன் ஜோடி சேர்ந்து விளையாடவுள்ளார்" என்று கூறினார் அழகப்பன்.

பயெஸ் ராடெக் ஸ்டெபானெக்குடன் ஜோடி சேரலாம் என்று எதிர்பார்க்கப்படுகிறது. ஆனால் ஸ்டெபானெக் இதுவரை சென்னை ஒபன் டென்னிஸ் தொடரில் பங்கேற்கும் முடிவை அறிவிக்கவில்லை என்று தெரிகிறது.

ஸ்டெபானெக் இல்லையெனில் பயஸ் சென்னை ஓபனில் பங்கேற்காமல் போகலாம் அல்லது வேறு ஒரு இரட்டையர் ஜோடியை கண்டடையலாம் என்று தெரிகிறது.

சுமார் 9 ஆண்டுகளுக்குப் பிறகு மீண்டும் இணைந்த பயஸ்-பூபதி இணை மீண்டும் பிரிவார்கள் என்று பொதுவாக எதிர்பார்க்கப்பட்டது.

இருவருக்கிடையேயும் 23 கிராண்ட் ஸ்லாம் வெற்றிகள் உண்டு. 1999ஆம் ஆண்டு 4 கிராண்ட்ஸ்லாம் போட்டிகளிலும் இரட்டையர் இறுதிக்குள் நுழைந்து உலகைத் திரும்பி பார்க்க வைத்தனர்.

இதில் விம்பிள்டன் மற்றும் பிரெஞ்ச் ஓபன் இரட்டையர் பட்டம் வென்று பெருமை தேடித் தந்தனர்.

இருவரும் இணைந்து 3 கிராண்ட்ஸ்லாம் இரட்டையர் பட்டம் வென்றுள்ளனர். ஆஸ்ட்ரேலிய ஓபன் மட்டும் இவர்களுக்கு இதுவரை கிடைக்கவில்லை.

இந்த நிலையில் இவர்கள் மீண்டும் பிரிய முடிவெடுத்துள்ளனர்.

by **vinitha** Fri Nov 25, 2011 4:39 pm

நன்றி அண்ணா :héhé:

by **கவியருவி ம. ரமேஷ்** Fri Nov 25, 2011 6:08 pm

இந்திய டென்னிஸின் தலைசிறந்த இரட்டையர் ஜோடியான லியாண்டர் பயஸ், மகேஷ் பூபதி ஜோடி இனி இரட்டையர் ஜோடியாக சேர்ந்து விளையாடப்போவதில்லை என்று முடிவெடுத்துள்ளனர்.
- சேர்ந்து ஆடின ஆட்டங்களிலெல்லாம் ஜெயிச்சிட்டாங்க போல... வருத்தப்பட

by Sponsored content

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

மீண்டும் பிரிகிறார்கள் பயஸ், பூபதி

மீண்டும் பிரிகிறார்கள் பயஸ், பூபதி

Re: மீண்டும் பிரிகிறார்கள் பயஸ், பூபதி

Re: மீண்டும் பிரிகிறார்கள் பயஸ், பூபதி

Re: மீண்டும் பிரிகிறார்கள் பயஸ், பூபதி