மத்திய அரசும், ராஜஸ்தான் மாநில அரசும் கூட்டு முயற்சியில் செயல்படுத்தி வரும் மால்வியா நேஷனல் இன்ஸ்டிடியூட் ஆப் டெக்னாலஜி நிறுவனம் கல்வித் துறையில் புகழ் பெற்றது. பரந்த பரப்பளவில் நிறுவப்பட்டு இயங்கி வரும் இந்தக் கல்வி நிறுவனத்தில் 50 சதவிகித மாணவர்கள் ராஜஸ்தான் மாநிலத்திலிருந்தும், எஞ்சிய 50 சதவிகிதத்தினர் நாட்டின் பிற மா நிலங்களிலிருந்தும் பயில்கிறார்கள். இந்தக் கல்வி நிறுவனத்தில் ஒப்பந்த அடிப்படையில் டெக்னீசியன்கள் மற்றும் புரொகிராமர்களைப் பணி நியமனம் செய்வதற்கான அறிவிப்பு வெளியாகியுள்ளது.
தேவைகள்: டெக்னீசியன் பதவி இன்ஜினியரிங் மற்றும் அறிவியல் என்ற இரண்டு துறைகளில் உள்ளது. இவற்றில் இன்ஜினியரிங் பிரிவுக்கு விண்ணப்பிக்க குறைந்த பட்சம் 60 சதவிகித மதிப்பெண்களுடன் இன்ஜினியரிங் டிப்ளமோ, பி.இ., அல்லது பி.டெக்., படிப்பை முடித்திருக்க வேண்டும்.
பணி அனுபவத்துடன் விண்ணப்பிப்பவர்களுக்கு முன்னுரிமை உள்ளது. அறிவியல் பிரிவு சார்ந்த டெக்னீசியன் பதவிக்கு விண்ணப்பிக்க பி.எஸ்சி., படிப்பை குறைந்த பட்சம் 60 சதவிகித மதிப்பெண்களுடன் இயற்பியல் அல்லது வேதியியல் பிரிவில் முடித்திருக்க வேண்டும். எம்.எஸ்சி., முடித்தவர்கள் அல்லது பணி அனுபவம் பெற்றவர்களுக்கு முன்னுரிமை உள்ளது. புரொகிராமர் பதவிக்கு விண்ணப்பிப்பவர்கள் பி.இ., அல்லது பி.டெக்., படிப்பில் ஐ.டி., சி.பி., இ.சி.இ., இ.இ., ஆகிய ஏதாவது ஒரு பிரிவில் பட்டப் படிப்பை முடித்திருக்க வேண்டும். எம்.சி.ஏ., முடித்தவர்களும் தற்போது இறுதியாண்டு படிப்பை இந்தப் பிரிவுகளில் படிப்பவர்களும் விண்ணப்பிக்கலாம்.
இதர விபரங்கள்: எம்.என்.ஐ.டி., நிறுவனத்தின் மேற்கண்ட பதவிகளுக்கு ஆன்-லைன் முறையிலேயே விண்ணப்பிக்க வேண்டும். விண்ணப்பித்த பின்னர் கிடைக்கும் பிரின்ட் அவுட்டையும், சான்றிதழ் நகல்களையும் பின் வரும் முகவரிக்கு 02.12.2011க்குள் கிடைக்குமாறு அனுப்ப வேண்டும். முழுமையான விபரங்களை அறிய கட்டாயம் இணையதளத்தைப் பார்க்கவும்.
முகவரி:
Dean (Administration),
Malaviya National Institute of Technology,
JLN Marg, Jaipur - 302017.
விண்ணப்பங்கள் கிடைக்க இறுதி நாள் : 02.12.2011
இணையதள முகவரி : [You must be registered and logged in to see this link.]

நன்றி தினமலர்