விளக்கு பூஜை

by **அ.இராமநாதன்** Sat Dec 03, 2011 9:31 pm

தீபம் என்பது லஷ்மி
தேவியின் வடிவம். அதே தீபம்
சரஸ்வதி தேவியின் பிம்பம்.
திரிபுரம் எரித்த சிவனையும்,
பார்வதி தேவியையும்
நினைவுபடுத்தும் உருவமே தீபம்!

தீபம் என்பது நம்
உள்ளத்தின் இருளைப் போக்கி ஒளி
பரவச் செய்யும். தீபம்
ஞானத்தின் அறிகுறி. மங்கலத்தின்
சின்னம். விளக்கு பூஜை
செய்வது தொன்று தொட்டு
இருந்து வருகிறது. பஞ்ச
பூதங்களில் ஒன்றாகிய ஒளியை
வழிபடுகின்ற மரபிலே
தோன்றியதே விளக்குப் பூஜை.

தீபத்தை ஏற்றி வைத்த
தெய்வ வழிபாடு செய்கிறோம்.
தீபத்தையே தெய்வமாக வழிபாடு
செய்வதும் உண்டு.

திருவிளக்கின் சுடர் – சிவபெருமான்
சுடரிலுள்ள வெம்மை – பராசக்தி
சுடரின் செந்நிறம் – கணநாதனாம் கணபதி
சுடரின் ஒளி - கந்தவேல்

விளக்கின் ஐந்து முகங்களும் அன்பு, நிதானம்,
சமயோசிதம்,
சகிப்புதன்மை, மனவுறுதி
என்னும் ஐந்து குணங்களைக்
குறிக்கின்றன.

விளக்கேற்றுவதும்,
வழிபடுவதும், புண்ணியம் தரக்கூடியது.
பூஜை செய்வதற்குரிய முறைகளை
நன்கு அறிந்துகொண்டு
அதன்படி செய்தால்
பூஜைக்குரிய புண்ணியங்கள் கிடைக்கும்.

-

==================================================

- மாலதி நாராயணன், சென்னை. (கட்டுரையிலிருந்து)

நன்றி: மங்கையர்மலர்