மனைவியின் மகப்பேறு காலத்தில் கணவருக்கு லீவு

by **கவியருவி ம. ரமேஷ்** Wed Dec 07, 2011 9:24 am

நன்றி Dailyflower
புவனேஸ்வர்:மகப்பேறு காலத்தில் மனைவிக்கு உதவி செய்வதற்காக, அரசு ஊழியர்களாக இருக்கும் ஆண்களுக்கு, 15 நாள் விடுமுறை அளிக்கும் திட்டத்தை, ஒடிசா அரசு அறிமுகப்படுத்தியுள்ளது.ஒடிசா அமைச்சரவை கூட்டம், முதல்வர் நவீன் பட்நாயக் தலைமையில், நேற்று நடந்தது. இதில் எடுக்கப்பட்ட முடிவு குறித்து, அதிகாரிகள் கூறியதாவது:ஒடிசாவில், அரசுத் துறையில் பணிபுரியும் பெண்களுக்கு, மகப்பேறு காலத்தில், 90 நாட்கள் விடுமுறை அளிக்கும் சட்டம், ஏற்கனவே நடைமுறையில் உள்ளது. தற்போது, இதில் மாற்றம் செய்யப்பட்டுள்ளது. இதன்படி, 90 நாட்களாக இருந்த விடுமுறை, 180 நாட்களாக அதிகரிக்கப்பட்டுள்ளது.

மேலும், மகப்பேறு காலத்தில், மனைவிக்கு உதவி செய்வதற்காக, அரசு ஊழியர்களாக இருக்கும் ஆண்களுக்கும், 15 நாட்கள் விடுமுறை அளிக்கும் திட்டமும் அறிமுகப்படுத்தப்பட்டுள்ளது. இந்த திட்டம், இம்மாதம் முதல் தேதியில் இருந்து அமலுக்கு வந்துள்ளது. ஆறாவது ஊதியக் குழுவின் பரிந்துரையின்படி, இந்த விடுமுறைத் திட்டம் செயல்படுத்தப்படுகிறது.இவ்வாறு, அதிகாரிகள் தெரிவித்தனர்.
...
இந்த சட்டம் மத்த ஊர்ல எல்லாம் இல்லியா என்ன ? சீனாவிலும் 2 வாரங்கள் லீவு இருக்கு சம்பளத்துடன்..