மழலையாய் இருத்தல் வேண்டும்!!

by மகேந்திரன் Thu Dec 08, 2011 5:48 am

[You must be registered and logged in to see this image.]
ஏ! மழலையே!
உன் அழகு கண்டு
விழிவிரிய வியந்திருந்தேன்!
உன் பருவங்களின்
வெவ்வேறு குணங்களை
ரசித்து உவந்திருந்தேன்!

தத்தக்க புத்தாக்க என
நீ நடையும் போட்டு
கைதட்டி சப்பாணி கொட்டுகையில்
என்னையே மறந்திருந்தேன்!
வாய்திறந்து வெள்ளருவியாய்
சொல்லால் கவிபாடுகையில்
மெய்மறந்து சிலிர்த்திருந்தேன்!

வளர்ந்து வா மழலையே!
வழிதோறும் விரியும்
இன்னல்கள் ஆயிரம்
கொடும் நாகங்கள் ஆயிரம்!
கடந்து வா மழலையே!
நீ வளர்ந்த வேளையிலே
உன்னறிவு வியாபித்திருக்கவேண்டும்!
உன் குணமோ
அதே மழலையாய்
இருத்தல் வேண்டும்!!

அன்பன்
மகேந்திரன்