என் காயங்களுக்கு உன் நினைவுகள் - ம.ரமேஷ் கஸல்

by **கவியருவி ம. ரமேஷ்** Fri Dec 09, 2011 8:12 pm

என் காயங்களுக்கு
உன் நினைவுகள்
மருந்திடும்
இருப்பினும் குணமாகவில்லை என்பது
பிரிதொரு நாளில் வரும்
கண்ணீரில் தெரியும்

உன்னைப் பிரிந்ததின்
அடையாளமாக
நான்
கோவிலுக்குச் செல்வதில்லை
தினமும் கால் நோக
கடவுள் வாயிலில் காத்திருக்கிறாராம்

நாம்
முடிவெடுத்தபோது
இறந்துபோய் இருந்தால்
என்னவாகியிருக்கும் பாவம்
நம் காதல்?

by **thaliranna** Fri Dec 09, 2011 8:15 pm

அருமை! அருமை! உங்கள் கஸல்கள் படிக்கபடிக்க இனிக்கிறது! [You must be registered and logged in to see this image.]

by **கவியருவி ம. ரமேஷ்** Fri Dec 09, 2011 8:31 pm

மகிழ்ச்சி தளிர் அண்ணா சரிங்க பாஸ்

by **கவியருவி ம. ரமேஷ்** Fri Dec 09, 2011 9:02 pm

எல்லாவற்றையும்
நாமாகவே முடிவெடுத்துவிட்டு
பாவம், விதியை
நொந்து கொண்டோம்

கடவுளை ஏன்
அடிக்கடி நொந்து கொள்கிறாய்
நம் காதலை
பிரித்துவைப்பதுதான்
அவருக்கு வேலையா?

கடவுளின் கனவில்
நாம் இணைந்திருப்பதாகச் சொல்கிறான்
நீ, ஏன்?
நம் பிரிவுக்காக வருந்துகிறாய்