ஹஜ் யாத்திரை சென்ற அவுஸ்திரேலியருக்கு அரேபியாவில்500 கசையடி தண்டனை!!

அவுஸ்திரேலியாவைச் சேர்ந்த மன்சூர் அல்மரிபி (வயது 45) என்பவர் ஹஜ் யாத்திரைக்காக அரேபியா சென்றிருந்தார். அங்கு, அரேபியாவின் தீவிரமான மத சட்டங்களை மீறும் வகையில் நடந்து கொண்டதற்காக 500 கசையடி தண்டனையும், ஓராண்டு சிறை தண்டனையும் விதிக்கப்பட்டுள்ளது.

இதற்கு, ஆஸ்திரேலிய வெளியுறவு அமைச்சகம் அதிருப்தி தெரிவித்தது.

மேலும், மன்சூருக்கு கருணை காட்டுமாறு சவுதி அரேபிய அரசிடம் சவுதி நாட்டுக்கான ஆஸ்திரேலிய தூதர் வேண்டுகோள் விடுத்துள்ளார்.

இது குறித்து சவுதி அரேபிய சட்ட அமைச்சகம் எந்த கருத்தையும் தெரிவிக்க மறுத்து விட்டது. மன்சூருக்கு 5 மகன்கள் உள்ளனர்.

அவர்களில் ஒருவரான முகமது அல்மரிபி கூறுகையில், "எனது தந்தைக்கு 500 கசையடி கொடுத்தால், அவரால் உட்கார முடியாத நிலை ஏற்படும்.அதிகபட்சம் 50 வயதுக்கு மேல் அவரால் உயிர் வாழ முடியாது" என வருத்தத்துடன் தெரிவித்தார்.