அவள் அழகி !

by **கவிக்காதலன்** Thu Dec 15, 2011 12:51 pm

[You must be registered and logged in to see this image.]

அவளை யாரும்
அழகியென்று சொல்லமாட்டார்கள்...!

முகத்தில் முகப்பருக்களின்
முதிர்ச்சி புள்ளிகள்...!

கவர்ச்சி இல்லாத - சின்ன
கண்கள் இரண்டு...!

களைத்து போனது போன்று
கறுப்பு நிற தேகம்...!

ஆர்ப்பாட்டமில்லாத
அப்பாவித்தனமான தோற்றம்...!

ஆனாலும்,
அவளை எனக்கு பிடித்திருந்தது...!

உங்களுக்கு என்னை
உண்மையிலே பிடித்திருக்கிறதா என
அவள் என்னிடம்
ஆயிரம் முறை கேட்டிருப்பாள்...!

பலமுறை பாசத்துடன்
பதில் சொல்லி விடுகிறேன்...!
சிலசமயம் கோபத்துடன்...

அன்று...
புதிதாய் வாங்கிய
புத்தாடையை கட்டிக்கொண்டு
என்னிடம் கேட்டாள்
எப்படியிருக்கிறது என்று...

நீ எப்போதும் அழகுதான்...!
இன்று
இன்னும் கொஞ்சம் அழகு என்றேன்...!!
அவளை திருப்திபடுத்த...

மெல்லிய வெட்கத்துடன் - அவள்
சின்னதாய் சிரித்தாள்...!

அவளின் அந்த
சந்தோஷ புன்னகையில்,
எனக்கு மட்டும் - அவள்
அழகியாக தெரிந்தாள்...

----கவிக்காதலன்...

SOURCE: [You must be registered and logged in to see this link.]