காதலில் இரண்டு வகை

by **yarlpavanan** Sun Dec 18, 2011 7:53 am

First topic message reminder :

மணமான ஆண்துணை, பெண்துணை இருவரும் காதல் கொள்வதாலே உளவியல், பாலியல் சிக்கல்களுக்கு தீர்வு காணமுடிகிறது.

மணமாகாத இருவர் காதல் கொள்வதாலே மணமுடிக்க முன் பழகியதாலே மணமுடித்த பின் மணவாழ்வில் சிக்கல் வராது என்பது பொய். ஏனெனில் அன்பு அதிகமானதால் வந்த காதல், மணமுடித்த பின் இருக்க வேண்டிய தேவைகளை அறிந்திருக்காது.

மணமுடிக்க முன் காதலித்து மணமுடித்தவர்களிடையே "இதற்காகவா காதலித்தாய்?" எனச் சில சூழலில் மோதல் வரலாம். ஆனால், மணமுடித்த பின் காதலிப்பவர்களிடயே நல்ல குடும்பமாக இருப்பதற்கு எல்லாம் தேவை என மோதிக்கொள்ள வாய்ப்பில்லை.

ஆயினும், நான் கூறும் கருத்தையே பொய்யாக்கும் வண்ணம் மணமுடிக்க முன் காதலித்து மணமுடித்த பின் மகிழ்வோடு வாழ்கிறார்கள்.

எடுத்துக்காட்டாக தொழில் நிறுவனமொன்றில் நல்ல நட்போடு ஐந்தாண்டுகளாகப் பழகிய இருவரிடையே, இருவரும் மணமுடித்தால் நல்லாயிருப்பியள் என மாற்றார் தூண்டுதலினால் காதலித்து இன்றும் மகிழ்வோடு வாழ்கிறார்கள். அவர்களிடயே மலர்ந்த காதலில் "மணமுடித்த பின் இவ்வாறு வாழலாம்" என்ற குறிக்கோள் இருந்திருக்கிறது.

முடிவாகச் சொல்வதானால் காதலில் இரண்டு வகை உண்டு. ஒன்று அன்பு அதிகமானதால் வந்த உணர்ச்சியால் தோன்றியது. மற்றையது நம்பிக்கையால் ஈர்க்கப்பட்ட இரு உள்ளங்களில் தோன்றிய காதல்.

முதலாம் காதல் இலக்கற்றது, இலக்குக்குறித்தது இரண்ணடாவது காதல். காதலில் எந்த வகை நல்லதோ, அது மணவாழ்வை முறிக்காது.

பள்ளிக் காதல் படலை வரையும் அகவைக்கு(21 வயதுக்குப் பிந்திய) வந்த பின் பொறுப்புணர்ந்தவர் புரிந்த காதல் ஆயுள் வரை தொடருமே!
----------------------------------------------------------------------------------------------------------------

இப்பதிவை; தமிழ்த்தோட்டம் (யூஜின்) பதிவு செய்த "திருமணத்திற்கு முந்திய காதலின் தோல்வியும் பிந்திய காதலின் வெற்றியும்" (http://www.tamilthottam.in/t25499-topic) என்ற பதிவுக்குப் பதிலாக எழுதினேன்.

by **yarlpavanan** Mon Dec 26, 2011 6:59 pm

sadasivam wrote:வாழ்க்கையில் இது போல் எதிர் வரும் பிரச்சனைகளை சமாளிப்பது சற்று கடினம் தான். கூடுமானவரை நாம் எதிர்பார்ப்புகளை குறைத்து கொள்ள வேண்டும் அல்லது ஆணும் பெண்ணும் வேறு வேறு. இருவருடைய எதிர்பார்ப்பும் ஒன்றாக இல்லை என்பதை புரிந்து கொண்டால் பெரும்பாலான மணவாழ்க்கை மகிழ்ச்சியாக முடியும். உதாரணத்திற்கு ஒரு கணவன் தலைவலிக்கும் போது யாரும் தொந்தரவு செய்யாமல், சற்று ஒய்வு எடுத்தால் சரி என்று நினைக்கிறான். ஆதலால் அவன் மனைவிக்கு தலைவலி வந்தால் தொந்தரவு செய்யாமல் இருக்கவே விரும்புகிறான். ஆனால் பெண்ணின் எதிர்பார்ப்பு வேறு, அவள் தன் கணவன் தன்னுடன் இருந்து, கொஞ்சம் மென்மையாகப் பேசி, தோளில் சாய்ந்தாள் போதும் சரியாகிவிடும் என்று எண்ணுகிறாள். கணவன் தன் பார்வையில் சரி என்பதை செய்கிறான். மனைவி அவள் பார்வையில் சரி என்பதை அதாவது கணவன் தலைவலி என்று கூறும் போது பக்கத்தில் வந்து அது வேண்டுமா, இது வேண்டுமா, நான் ஏதாவது செய்யட்டுமா என்று. இங்கு தான் பிரச்சனை ஆரம்பம் ஆகிறது. எதிர்பாலினத்தின் உணர்வுகளையும் அவர்கள் உணர்வுகளை வெளிப்படுத்தும் விதத்தை தெரிந்து கொண்டால் போதும், 90 சதவீத பிரச்சனையை சுலபமாக சமாளிக்கலாம்.

அன்றாடச் சூழலில் ஏற்படும் சிக்கலை இலகுவாகத் தீர்க்க தமக்குள்ளே தாம் மேற்கொள்ளவேண்டிய கருத்தாடலை கூறினீர்கள். ஆயினும், பாலினக் கவர்ச்சி காரணமாக தோன்றிய காதலால் மணமுடித்தவர்கள் ஒருவர் உள்ளம் விரும்புவதை அடுத்தவர் புரியும் வண்ணம் ஒருவருக்கொருவர் புரிந்துணர்வு பேணினால் இலகுவாக எந்தச் சிக்கலையும் தீர்க்கலாம். அதாவது, ஆளுக்காள் உள்ளம் திறந்து தமது விருப்பங்களையும் வேண்டுதல்களையும் அன்பாகவும் பணிவாகவும் பரிமாறிக்கொள்ளும் போதே உண்மையான புரிந்துணர்வும் ஏற்படும்.

தங்கள் கருத்துக்கு நன்றி.

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

காதலில் இரண்டு வகை

காதலில் இரண்டு வகை

Re: காதலில் இரண்டு வகை