அடிக்கடி கடி கடி..

by **கலைவேந்தன்** Tue Dec 20, 2011 10:11 pm

1.

தமிழாசிரியர் : அடித்தது மணி. முடிந்தது என் பணி.

மாணவன்: தொலைந்தது சனி. ஜாலிதான் இனி.

2.

தமிழாசிரியர் : சூரியன் மேற்கே மறைகிறது. இது நிகழ்காலமா ? எதிர் காலமா..?

மாணவன் : இது சாயங்காலம் சார்.

3.

ஆசிரியர் : ஏண்டா 20 நாளா ஸ்கூலுக்கு வரலை..?

மாணவன் : எங்க அப்பா சொல்லி இருக்கார்சார்.. '' ஒரு இடத்துக்கு அடிக்கடி போனா மரியாதை இருக்காது''ன்னு.

4.

ஆசிரியர் : என்னடா 5 மார்க்கு வாங்கிட்டு சிரிக்கிறியே... வெக்கமா இல்ல..?

மாணவன் : நான் ஒன்னுமே எழுதலை. அதுக்கு போயி 5 மார்க் போட்டு இருக்கீங்களே.. உங்களுக்கு வெக்கமா இல்ல..?

5.

எல் கேஜி மாணவன் ( போனில் ) : ஹலோ இன்னைக்கு என் மகனுக்கு உடம்பு முடியலை. அவன் ஸ்கூலுக்கு வரமாட்டான்.

ஆசிரியர்: நீங்க யாரு பேசறது..?

எல் கே ஜி மாணவன் : எங்க அப்பா பேசுறேன்.

6.

அரி : நான் தினமும் ஆபீஸ் போகும் முன் என் மனைவியை முத்தமிட்டுத்தான் செல்லுவேன்.

கிரி : நானும் தான். நீ ஆபீஸ் போனபிறகு.

7.

தந்தை தனது மகனின் முகநூல் சுவற்றில் இவ்வாறு எழுதினார் :

அன்புள்ள மகனுக்கு. இங்கு யாவரும் நலம். அங்கு நீயும் நலமாக இருப்பாய் என கருதுகிறோம். நாங்கள் அனைவரும் உன்னை மிகவும் மிஸ் செய்கிறோம். உடனடியாக கணிணியை அணைத்துவிட்டு கீழே இறங்கி வரவும். சாப்பிட காத்திருக்கிறோம்.

இப்படிக்கு
உன் தந்தை.

8.

கேள்வி : மீனுக்கு பிடிக்காத நாள் எது..?

பதில் : ஃப்ரை டே..?

9.

மீனா : ஐயோ ... நான் செத்தேன்..அதோ என் கணவருடன் வருவது என் காதலர்.

ரீனா : என்ன ஆச்சரியம்... நானும் அதையே சொல்ல நினைத்தேன். நீயே சொல்லிவிட்டாய்..

10.

அரி : நீ ஏன் அடிக்கடி கடிகாரத்திலிருந்து பேட்டரியை கழட்டி மீண்டும் மாட்டுகிறாய்..?

கிரி : எதுக்கு வீணா பேட்டரி வேஸ்டாகனும்..? நான் மணி பார்க்கும் போது பேட்டரி மாட்டி பாத்துக்கிடுவேன். பிறகு கழட்டிவைச்சுடுவேன்..