நண்டு காரக் குழம்பு

[You must be registered and logged in to see this image.]
பார்த்ததுமே நாவில் நீர் ஊறவைக்கும் தென்னிந்திய சமையல் வகையைச் சேர்ந்தது நண்டு காரக்குழம்பு. மசாலாவில் ஊறிய நண்டின் சுவை ஆளை மயக்கிவிடும். செய்முறையைக் கற்றுத்தருகிறார் மதுரை சங்கம் ஓட்டல் சமையல் நிபுணர் சக்திவேல்.

தேவையானவை :

* நண்டு – அரை கிலோ
* சீரகம் – ஒரு டீஸ்பூன்
* மிளகு – இரண்டு டீஸ்பூன்
* மிளகாய்த்தூள் – இரண்டு டீஸ்பூன்
* பெரிய வெங்காயம் – இரண்டு
* தக்காளி – ஒன்று
* பூண்டு – ஐந்து பல்
* தேங்காய் துருவல் – நான்கு ஸ்பூன்
* எண்ணெய் – இரண்டு டீஸ்பூன்
* கொத்தமல்லி தழை – இரண்டு டீஸ்பூன்
* மஞ்சள் தூள் – ஒரு டீஸ்பூன்
* உப்பு – தேவையான அளவு

செய்முறை :

* நண்டை இரண்டாக வெட்டினால் ஓடு கழன்று விடும். உள்ளிருக்கும் குடல் பகுதி, ஓட்டை நீக்கிவிட்டு, மீதிப் பகுதிகளை கழுவி சுத்தம் செய்ய வேண்டும்.
* வெங்காயத்தை பொடியாக நறுக்கவும்.
* வாணலியில் சிறிதளவு எண்ணெய் ஊற்றி, வெங்காயத்தில் பாதியை சேர்த்து வதக்கி, நறுக்கிய தக்காளியை சேர்த்து கொதிக்கவிட வேண்டும்.
* நண்டை சேர்த்து சிறிது நேரம் வதக்கவும்.
* மீதி வெங்காயம், தேங்காய், மிளகாய், மஞ்சள் தூள் சேர்த்து விழுதாக அரைத்து, அரை கப் தண்ணீர் ஊற்றி நண்டுடன் கொதிக்க விடவேண்டும்.
* பத்து நிமிடங்கள் வெந்தபின், கலவை கெட்டியானதும் அடுப்பிலிருந்து இறக்கி, மல்லி தழை தூவலாம்.
* சாதத்தில் பிசைந்து சாப்பிட்டால் சுவையாக இருக்கும்.

சமையல் நேரம் : 20 நிமிடங்கள்.

நன்றி