உன் நினைவு வந்தால்
உடனே போய்விடும்
என் மகிழ்ச்சி

இது நான் எழுதிய ஹைக்கூதான். ஆனால் இது ஹைக்கூ இல்லை. அப்படியென்றால் ஏன் ஹைக்கூ என்று பெயரிட்டு மூன்று வரியில் எழுதியிருக்கிறீர்கள் என்று கேட்பது புரிகிறது.

ஹைக்கூ என்று தலைப்பிட்டு மூன்று அடிகளில் எழுதிவிட்டால், அது ஹைக்கூ என்று சொல்லிக்கொண்டாலும் உண்மையாக அது ஹைக்கூ இல்லை. மேற்கண்டதும் ஹைக்கூ இல்லை. ஏன் அது ஹைக்கூ இல்லை என்று பார்ப்போம்.

முதலில் மனத்தில் பட்ட ஓர் உணர்வை, அனுபவத்தை மூன்று வரிகளில் ஹைக்கூவாக எழுதிப்பார்த்தேன்.

மேற்கண்டதுபோல் எழுதியதும் ஹைக்கூவுக்கான சாரம் இருந்தது. ஆனால் ஹைக்கூவாக இல்லை.

காரணம், இரண்டு காரணங்கள்.

ஒன்று, மேற்கண்ட ஹைக்கூவை இன்னும் அதிலுள்ள வார்த்தைகளைக் குறைத்து எழுதவேண்டும்.

இரண்டு, சில மாற்றங்ளை செய்ய வேண்டும்.

இரண்டாவது காரணத்திலிருந்து ஹைக்கூவை செதுக்குவோம்.

ஹைக்கூக்கள் எழுதும்போது நான், நீ, நாம், என், உன்,என்னை, உன்னை, நம்மை, அவன், அவள் போன்று வரும் முன்னிலைப்படுத்தும் சொற்களை/ வார்த்தைகளைத் தவிர்த்துவிட வேண்டும். மேற்கண்டவை பயின்று வருவது உண்மையான ஹைக்கூவிற்கு ஏற்புடையது அல்ல.

“உன் நினைவு வந்தால்
உடனே போய்விடும்
என் மகிழ்ச்சி”

என்பதை மேலே குறிப்பிட்ட படி தவிர்த்து எழுதுகிறேன்:

“நினைவு வந்தால்
உடனே போய்விடும்
மகிழ்ச்சி”

எழுதிப் பார்த்தும் மீண்டும் வாசிக்கிறேன். காரணம், ஒன்றின் படி, மேற்கண்ட ஹைக்கூவை இன்னும் அதிலுள்ள வார்த்தைகளைக் குறைத்து எழுதவேண்டும். இரண்டாவது அடியில் ‘உடனே’ என்ற வார்த்தை தேவையில்லை என்று கருதி அதை நீக்குகிறேன். அதை நீக்குவதால் கருத்துச் செறிவு குறைய வில்லை என்பதை கருத்தில் கொள்கிறேன்.

கடைசியில் ஹைக்கூ இப்படி இருக்கிறது:

“நினைவு வந்தால்
போய்விடும்
மகிழ்ச்சி”

இப்போது இது ஹைக்கூவாக இருக்கிறது. உண்மையான ஹைக்கூவாக / வடிவமாக இருக்கிறது.

சரி… ஹைக்கூவிற்கு வருவோம்.

ஹைக்கூ வாசிப்பு முறைப்படி முதல் இரண்டு அடிகளை எடுத்துக்கொள்வோம்.

“நினைவு வந்தால்
போய்விடும்”

எந்த நினைவு, என்ன நினைவு, யாருடைய நினைவு, எதற்காக எது போய்விடும், இன்ப நினைவு வந்தால் துன்பம் போய்விடுமா? துன்ப நினைவு வந்தால் இன்பம் போய்விடுமா? சரி... எதுதான் என்று பார்க்க ஹைக்கூ வாசிப்பு முறைப்படி முதலிரண்டு அடியை மீண்டும் படித்துவிட்டு மூன்றாம் அடியைப் படிக்கிறோம். போனது,

“மகிழ்ச்சி.”

“நினைவு வந்தால்
போய்விடும்
மகிழ்ச்சி”

சரி மகிழ்ச்சி ஏன் போனது. பார்ப்போம்.

வந்த நினைவு துன்பம் என்பதை அறிய முடிகிறது. துன்பம் வந்ததால் மகிழ்ச்சி போய்விட்டது.

துன்ப நினைவு யாருக்கு வந்தது?

தாத்தா பாட்டிக்கு துன்ப நினைவு வந்திருக்கலாம். அவர்கள் முதியோர் இல்லத்தில் இருந்திருக்கலாம்…

தாய், தந்தை துன்ப நினைவு வந்திருக்கலாம். காதலித்து யாருடனாவது உடன்போக்கு சென்றிருக்கலாம். அவர்களின் மகன், மகள் யாரவது தவறி இருக்கலாம்…

ஏமாற்றிய காதலிக்கு காதலன் நினைவோ, காதலனுக்குக் காதலி நினைவோ துன்ப நினைவாக வந்திருக்கலாம். அதனால் மகிழ்ச்சி போய் இருக்கலாம்…

விபத்தில் யாரேனும் சிக்கிய நினைவோ, இறந்தவரின் நினைவோ துன்ப நினைவாக வந்திருக்கலாம். அதனால் மகிழ்ச்சி போய் இருக்கலாம்…

ஒவ்வொருவருக்கும் ஏதோ ஒரு காரணத்திற்காக வரும் துன்ப நினைவு மகிழ்ச்சியை களவாடிச் செல்கிறது.

சரி... உங்களுக்கு வரும் அந்த துன்ப நிகழ்வு என்ன?

நினைவு வந்தால்
போய்விடும்
மகிழ்ச்சி

© ம. ரமேஷ் ஹைக்கூ

அன்புடைமை அதிகாரத்தை
ஆசிரியர் கற்பிக்கிறார்
கையில் பிரம்புடன்
இதுதான் ஹைகூ

prlakshmi wrote:அன்புடைமை அதிகாரத்தை
ஆசிரியர் கற்பிக்கிறார்
கையில் பிரம்புடன்

இதுதான் ஹைகூ

--
உங்கள் பார்வைக்கும் அல்லது ஹைக்கூ பற்றிய சரியான புரிதல் இல்லாமல் இருக்கும் வாசகர்களுக்கும் இது ஹைக்கூதான்.

அன்புடைமை அதிகாரத்தை
ஆசிரியர் கற்பிக்கிறார்
கையில் பிரம்புடன்

ஆனால் இது ஹைக்கூ இல்லை. ஹைக்கூவின் பிறிதோரு வகையான நகைச்சுவை, வேடிக்கை, சமூக கேலி கிண்டல்களை உள்ளடக்கமாகக் கொண்ட சென்ரியு வகையை சார்ந்தது.

-ஹைகூ குறித்து இலக்கியவரலாறு -வித்யாசம் பாருங்கள் ரமேஷ்

என்ன இலக்கியவரலாறு முடித்து விட்டீர்களா?சந்தேகம் இல்லையே

ஹைகூவின் புதிய பரிணாம வளர்சசி வடிவம் -சென்றியு கவிதைகள்
இதில் நகை,,எள்ளல் நிறைந்திருக்கும்.

யாருடைய இலக்கிய வரலாறு என்று குறிப்பிடுங்களேன். படிக்கிறேன். நன்றி.

நான்,

மு. வரதராசனார் - தமிழ் இலக்கிய வரலாறு
தமிழண்ணல் - தமிழ் இலக்கிய வரலாறு
வனமாமலை - தமிழ் இலக்கிய வரலாறு
பொற்கோ - தமிழ் இலக்கிய வரலாறு
சிற்பி - தமிழ் இலக்கிய வரலாறு
கழகம் - தமிழ் இலக்கிய வரலாறு

முதலான இலக்கிய வரலாற்று நூல்களைப் படித்துள்ளேன்.

பார்த்தேன் பயந்தேன்
பார்வையின் திசையில்
பால் நிறம் தாங்கிய
பருவ மங்கை முகம்!

இது எப்படின்னு நீங்க சொல்லவே இல்லையே ரமேஷ்.

prlakshmi wrote:ஹைகூவின் புதிய பரிணாம வளர்சசி வடிவம் -சென்றியு கவிதைகள்
இதில் நகை,,எள்ளல் நிறைந்திருக்கும்.

--

ஹைக்கூவின் பரிணாம வளர்ச்சி அல்ல சென்ரியு.

ஹைக்கூவின் பரிணாமம் தான் சென்ரியு.

ஜப்பானிய மொழியில் இன்னும் - இன்றும் ஹைக்கூ, ஹைக்கூவாகவேதான் இருக்கிறது.

இந்தியாவில் குறிப்பாகத் தமிழ்நாட்டில் ஹைக்கூ கவிஞர்கள் என்று குறிப்பிட்டுக் கொள்ளும் பலரும் தங்களை முன்னிலைப்படுத்திக் கொள்ளவேண்டும். ஆயிரக்கணக்கான ஹைக்கூக்கள் படைத்துள்ளதாகக் காட்டிக்கொள்ளவேண்டும் என்ற போலியான / தன்முனைப்பால் சென்ரியு வகை கவிதைகளைப் படைத்து ஹைக்கூ என்ற தலைப்பில் கவிதைத் தொகுதியாக வெளியிட்டுக் கொண்டிருக்கிறார்கள். ஹைக்கூவின் உள்ளடக்கம் வேறு. சென்ரியுவின் உள்ளடக்கம் வேறு என்று ஹைக்கூ பற்றி அவர்களுக்குத் தெரிந்திருந்தும், உண்மையான ஹைக்கூவை எழுத (நிறைய எழுத) முடியாதக் காரணத்தால் சென்ரியு வகைக் கவிதைகளை எழுதிக் குவித்துவிட்டு ஹைக்கூ என்று சொல்லிக் கொள்கிறார்கள். தவறான வழிகாட்டியாவும் திகழ்ந்து கொண்டிருக்கிறார்கள்.

எளிதில் புரிந்துக் கொள்ளும் விதமாக உள்ளது நண்பரே கவிஞர் ரமேஷ்... பாராட்டுக்கள்... உங்களது பணி சிறக்க வாழ்த்துக்கள் ... தொடரட்டும் உம் பணி நமது தோட்டத்தில்

அருமையான விளக்கம்! நன்றி

நன்றி...
தமிழ்த்தோட்டம் (யூஜின்)
அ.இராஜ்திலக்
thaliranna

:héhé:

அழகான விளக்கம் .தொடருங்கள் தோழரே .
அறியாததை அறிந்துக் கொள்ள வழிக் கிடைக்கும் ,

நன்றி...
கலை
kalainilaa
nvinitha

பின்னூட்டம் அளித்த அனைத்து அன்பர்களுக்கும் நன்றி.

சூப்பர் சூப்பர் விளக்கமும் அதைவிட சூப்பர் இதற்க்கு நான் ஒரு ஹைக்கூ தரலாமா கவிஞரே ?

கொடுங்கள்...கொடுங்கள்

கவியருவி ம. ரமேஷ் wrote:கொடுங்கள்...கொடுங்கள்

.





122.காதல் வந்தால்
பிறந்திடும்
கவிதை

0123. துணிவு வந்தால்
நிலைத்திடும்
வெற்றி

124. தமிழ் தோட்டம் வந்தால்
உதித்திடும்
கல்வெட்டில்

( ஹிஷாலீ )

ஹைக்கூ - மிக அருமையான விளக்கங்கள். மிக மிக அருமை. வாழ்த்துக்கள்.