லிங்குசாமியின் திருப்பதி பிரதர்ஸ் நிறுவனம் யூ டிவியுடன் இணைந்து
தயாரித்துள்ள ‘வேட்டை’ திரைப்படம் நாளை திரைக்கு வர இருக்கிறது.
இப்படத்தில் அண்ணனாக மாதவனும் அவருக்கு தம்பியாக ஆர்யாவும்
நடித்திருக்கிறார்கள்.இவர்களுக்கு ஜோடியாக சமீரா ரெட்டியும் அமலா
பாலும் நடித்திருக்கிறார்கள். இப்படம் குறித்து இன்று பத்திரிகையாளர்களை
சந்தித்தார் இயக்குனர் லிங்குசாமி.
அப்போது பத்திரிகையாளர்கள் கேட்ட கேள்விக்கு அவர் பதிலளித்தாவது;
‘வேட்டை’ படம் பற்றி..?
இது
எனது ஏழாவது படம். முந்தைய ஆறு படங்களில் என்னென்ன மைனஸ்களை பார்த்தேனோ.
அதையெல்லாம் கூட்டிக் கழித்து இப்படத்தை சிறப்பாக கொடுத்திருக்கிறேன்.
அண்ணன் தம்பி கதைதான். ஆனால் சிறு வித்தியாசம். போலீஸாக வரும் மாதவன் பயந்த
சுபாவம் உடையவர். அவருக்கு ஏதேனும் ஒன்று ஆகிவிட்டால், இருடா என்
தம்பியிடம் சொல்வேன் என்பார். இதை மையமாக வைத்துத்தான் ‘வேட்டை’ தயாராகி
இருக்கிறது.
இப்படம் ஹிந்திக்கு போகிறதாமே?
ஆமாம்.
இரு தினங்களுக்கு முன்பு இப்படத்தை பார்த்த யூடிவி குழுமத்தினர். படம்
பார்ப்பதற்கு ஹிந்திப் படம் போலவே இருக்கிறது. படமும் அவ்வளவு சிறப்பாக
வந்திருக்கிறது. இதை ஹிந்தியில் ரீமேக் செய்வோம் என்றனர். அங்கேயும்
திருப்பதி பிரதர்ஸ் நிறுவனத்துடன் யூடிவி குழுமம் இணைந்து இப்படத்தை
தயாரிக்க இருக்கிறது.
அங்கே யாரை நடிக்க வைக்க இருக்கிறீர்கள்?
நான்
இன்னும் அதற்கு தயாராகவில்லை. ஆனால் யூடிவி நிறுவனத்தார். மாதவன் நடித்த
வேடத்திற்கு சல்மான்கானையும், ஆர்யா வேடத்திற்கு ரன்பீர் கபூரையும் நடிக்க
வைக்கலாம் என்றிருக்கிறார்கள். கூடிய விரைவில் இதற்கான பதில் கிடைக்கும்
உங்களுக்கு மிகவும் பிடித்த கதாநாயகி யார்..?
எனக்கு அனுஷ்காவைப் பிடிக்கும்
வேட்டை படத்தில் நடித்த கதாநாயகிகளில் யாரைப் பிடிக்கும்?
படப்பிடிப்பு தளத்தில் இருந்து வரும் போது சமீரா ரெட்டி அழகு. மேக்கப் போட்ட பிறகு பார்த்தால் அமலா பால் அழகு
இயக்குனர்கள் எல்லாம் நடிக்கிறார்களே..? நீங்கள் எப்போது நடிப்பீர்கள்..?
‘வேட்டை’ படத்தில் நான் ஒரு காட்சியில் நடித்திருக்கிறேன்.
என்றார்.