கவிதை - இயக்குநர்

by **அ.இராமநாதன்** Tue Jan 17, 2012 3:45 pm

மொட்டை மாடியிலிருந்து பார்க்கையில்
கீழிருக்கிற சாலைகள்
பறவைப்பார்வைக் கோணத்தில
பதிவுசெய்து கொள்ளப்படுகின்றன

நேசித்தலை
நிராகரித்துச் செல்பவள்
வெளியேறிக்கொண்டிருக்கிறாள்

பிரேதவீட்டில் மிட் ஷாட்டில்
பணம் எண்ணுகிறார் ஒருவர்

சற்றுமுன் சிரித்துப் பேசியபடி வந்து
வீடு நெருங்குகையில் கம்பைன் ஷாட்டில்
அழத்தொடங்குகிறார்கள்.

ஆன் ÷ஷால்டர் சஜஷன் ஷாட்டில்
எதையோ கேட்டு அடம் பிடித்தபடி
தந்தையைத் தொடர்கிறான்
சிறுவன்

கடையொன்றிலிருந்து
இடது புறத்தில் வெளியேறி
வருகிறவள்
வலதுபுறத்தில் தொடர்கிறாள்
தன் பயணத்தை

ஜன்னலோரத்தில்
அமர்ந்தபடி
காதலுக்கு தைரியமில்லாமல்
தினமும் கடக்கும்
ஜன்னல்தாரகை.
எக்ஸ்ட்ரீம் க்ளோஸ் அப் ஷாட்டில்
நினைவில் நிற்கிறாள்.

வீட்டைப் பூட்டிக் கிளம்புகையில்
"தட்டுங்கள் திறக்கப்படும்'
என்று கிழிந்திருக்கிற
ஸ்டிக்கரைப் பார்த்துப் புன்னகைக்கிறேன்
இன்றைக்கும்.
-
==================================
>ஆத்மார்த்தி
நன்றி: கல்கி