பூவே உன்னை பார்க்கும்வரை...

by **vendraan** Sat Jan 21, 2012 3:53 pm

பூக்கள் பார்த்து வியந்ததில்லை
பூவே உன்னை பார்க்கும்வரை

தினமும் பார்த்ததில்லை முழுநிலவை
உன்னை காணும் நாள்வரைக்கும்

இதயத்தின் படபடப்பை அறிந்ததில்லை
நீ அருகில்வந்த நொடிவரைக்கும்

தென்றல் தீண்டி விழுந்ததில்லை
உன் சுவாசக்காற்று என்மீது மோதும்வரை

தூக்கத்தில் நானென்றும் உளறியதில்லை
தூங்காமலே உளறுகிறேன் உனைக்கண்டபின்பு

வாழ்வில் நானென்றும் அழுததில்லை
உந்தன் கண்ணீர் காணும்வரை

சிரிப்பில் என்னை மறந்ததில்லை
உன் பூவிதழ் புன்னகை பூக்கும்வரை

நான் மரணத்தை இதுவரை மணந்ததில்லை
நீ வேறொருவரை மணக்கும் நாள்வரைக்கும்