தங்ககத்தியே

by **கவினா** Fri Jan 27, 2012 11:35 pm

ஒற்றைரோஜா சிரிப்பை உதிர்க்கும்
பூந்தொட்டியே! - நான்
உரசிய நொடியில் எரியவைக்கும்
தீப்பெட்டியே.

வெண்மணிக்கற்கள் பதிக்கப்பட்ட
வெல்வெட் பெட்டியே! - உனை
விரும்புவதாலே இல்லையென்றானது
வேலை வெட்டியே.

இதய அறையினில் நறுமணம் பரப்பும்
ஊதுபத்தியே! - என்
இருதய நரம்பை இரண்டாய் நறுக்கும்
தங்க கத்தியே.

நான் கவிதைபாட நேரம் காட்டிய
கைக்கடிகாரமே!
உன் கண்ணால் எந்தன் நரம்பினில் பாயுது
நேர்மின்சாரமே!

இந்த குட்டிச்சுவருக்கு வெள்ளையடித்த
சுண்ணாம்பு மட்டையே!
எனை சுத்தப்படுத்த மயிலறகால் செய்த
துடைப்பக்கட்டையே.