இன்னொரு பிறந்தநாள் வாழ்த்து மடல்

by **கவினா** Sat Jan 28, 2012 4:16 pm

பலப்பலர் வருவர் பலப்பலர் செல்வர்
பரந்தபூமி மண்மேலே - ஆம்
உலகம் என்பது கடைவீதி - அதில்
வந்து செல்பவர் பல கோடி.

வந்துபோகும் சந்தையில் இதுவரை
வந்ததில் நீதான் ஸ்ரீதேவி.
சிந்துபாடும் சிந்தையில் சொல்வேன்
சின்னவளே நீ சிரஞ்சீவி.

சங்குசக்கரம் நெஞ்சில் சுழலுது
இதுதான் எனக்கு தீபாவளி
பொங்கலை போலே நெஞ்சினில் இன்று
பொங்கி எழுந்தவள் நீதானடி.

தினமும் உதிக்கும் சூரியன் இன்று
புதிதாய் உதித்தானா? - அவன்
உனக்கும் எனக்கும் இருக்கும் உறவை
உளத்தில் பதித்தானா?

தீயில் வெந்த வெண்மணியை
தினமும் நினைத்து துடிக்கையிலே
பூவில் வெந்த வெண்மணியே
புரட்சிக்கு நீயும் வாராயோ?

எழுதுகோலில் உன்னைத்தானே
தினமும் நிரப்பி வைக்கின்றேன்.
இதயத்தில் உதிரும் மலர்களைப் பொறுக்கி
கவிதைத் தோரணம் தைக்கின்றேன்.

பூக்கள் எப்படி பூக்கும் என்பதை
புன்னகையாலே சொல்லித்தந்தாய்.
பாக்கள் ஆயிரம் பாயிரம் ஆயிரம்
பார்வையினாலே அள்ளித்தந்தாய்.

ரம்பை என்பார் ஊர்வசியென்பார்
ரதி மேனகை ருக்மணியென்பார்
தும்பை பூவையும் அழகுயென்பார்
தூயவள் உன்னைக் காணாதார்.

ஆயிரமாயிரம் மைல் சென்றாலும்
ஆண்டுக்கொருமுறை வாழத்து வரும் - என்
பாயிரம் எல்லாம் உன்னைத்தானே
பாரினிலென்றும் போற்றி வரும்.

//ஆயிரமாயிரம் மைல் சென்றாலும்
ஆண்டுக்கொருமுறை வாழத்து வரும் - என்
பாயிரம் எல்லாம் உன்னைத்தானே
பாரினிலென்றும் போற்றி வரும்.// [You must be registered and logged in to see this image.]

by **கவியருவி ம. ரமேஷ்** Sat Jan 28, 2012 4:42 pm

தீயில் வெந்த வெண்மணியை
தினமும் நினைத்து துடிக்கையிலே
பூவில் வெந்த வெண்மணியே
புரட்சிக்கு நீயும் வாராயோ?

- நண்பா அந்த வெண்மணியை - அந்தப் பிரச்சினையை நான் இன்னும் விரிவாக அறியவில்லை... படிக்க எதாவது லிங்க் இருக்கா... நான் தெரிஞ்சுக்கனும்..

by **கவினா** Thu Feb 02, 2012 9:52 am

தமிழ்த்தோட்டம் (யூஜின்) wrote://ஆயிரமாயிரம் மைல் சென்றாலும்
ஆண்டுக்கொருமுறை வாழத்து வரும் - என்
பாயிரம் எல்லாம் உன்னைத்தானே
பாரினிலென்றும் போற்றி வரும்.// [You must be registered and logged in to see this image.]

நன்றி நண்பரே

வாஞ்சையுடன் சுந்தரபாண்டி

by **கவினா** Thu Feb 02, 2012 9:57 am

கவியருவி ம. ரமேஷ் wrote:தீயில் வெந்த வெண்மணியை
தினமும் நினைத்து துடிக்கையிலே
பூவில் வெந்த வெண்மணியே
புரட்சிக்கு நீயும் வாராயோ?

- நண்பா அந்த வெண்மணியை - அந்தப் பிரச்சினையை நான் இன்னும் விரிவாக அறியவில்லை... படிக்க எதாவது லிங்க் இருக்கா... நான் தெரிஞ்சுக்கனும்..

அது தஞ்சை மண்ணிலே நடந்த ஒரு சோக வரலாறு நண்பரே.

"சாம்பல் காடு" என்னும் தலைப்பில் அந்த வரலாறை நானே இந்த தமிழ்த் தோட்டத்தில் வெளியிட இருக்கிறேன் நண்பரே.

வாஞ்சையுடன் சுந்தரபாண்டி

by Sponsored content

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

இன்னொரு பிறந்தநாள் வாழ்த்து மடல்

இன்னொரு பிறந்தநாள் வாழ்த்து மடல்

Re: இன்னொரு பிறந்தநாள் வாழ்த்து மடல்

Re: இன்னொரு பிறந்தநாள் வாழ்த்து மடல்

Re: இன்னொரு பிறந்தநாள் வாழ்த்து மடல்

Re: இன்னொரு பிறந்தநாள் வாழ்த்து மடல்

Re: இன்னொரு பிறந்தநாள் வாழ்த்து மடல்