இந்தியாவில் இயங்கி வரும் பொதுத் துறை வங்கிகளில் ஒன்றான விஜயா வங்கியைப் பற்றி நாம் அறிவோம். இந்த வங்கியில் விளையாட்டுகளில் சிறப்பு பெற்றவர்களுக்கென்று பிரத்யேகமாக 16 பணி இடங்களை ஒதுக்கி அவற்றை நிரப்புவதற்கான அறிவிப்பு வெளியாகியுள்ளது.
பிரிவுகள்: கிரிக்கெட் விளையாட்டில் சிறப்பு பெற்றவர்களுக்கு 5 இடங்களும், கூடைப்பந்து விளையாட்டில் சிறப்பு பெற்றவர்களுக்கு 5 இடங்களும், கபடி விளையாட்டில் சிறப்பு பெற்றவர்களுக்கு 6 இடங்களும் ஒதுக்கப்பட்டுள்ளன. இவற்றை நிரூபிக்க சர்வதேச, தேசிய, பல்கலைக் கழகங்களுக்கு இடையிலான சான்றிதழ்கள் தேவைப்படும்.
என்ன தேவை: விஜயா வங்கியின் கிளரிகல் பதவிக்கு விண்ணப்பிப்பவர்கள் 01.01.2012 அன்று 18 வயது நிரம்பியவராகவும், 24 வயதுக்கு உட்பட்டவராகவும் இருக்க வேண்டும். தடகளப் பயிற்சிப் போட்டி மற்றும் நேர்காணல் அடிப்படையில் தேர்ச்சி இருக்கும்.
ப்ளஸ்டூவிற்கு நிகரான படிப்பை விண்ணப்பதாரர்கள் முடித்திருக்க வேண்டும். மா நில அல்லது தேசிய அளவிலான போட்டிகளில் விண்ணப்பதாரர்கள் பங்கு பெற்றிருக்க வேண்டும். முழுமையான தகவல்களுக்கு இந்த வங்கியின் இணையதளத்தைப் பார்க்கவும்.
இதர விபரங்கள்: விஜயா வங்கியின் கிளரிகல் பதவிக்கு விண்ணப்பிக்க ரூ.300/-ஐக் கட்டணமாக செலுத்த வேண்டும். இதனை Vijaya Bank, Recruitment (Sportsmen) Project, 2011 என்ற பெயரில் பெங்களூருவில் மாற்றத்தக்க டி.டி.,யாக எடுத்து அனுப்ப வேண்டும். கிரிக்கெட் விளையாட்டு வீரராக இருந்தால் ஆல்-ரவுண்டர், பேட்ஸ்மென், மீடியம் பேஸ் பவுலர், ஸ்பின்னர் ஆகிய ஏதாவது ஒரு பிரிவில் சிறப்பு பெற்றவராகவும், கூடைப் பந்து விளையாட்டு வீரராக இருந்தால் ஆல் ரவுண்டர், பால் ஹேண்ட்லர், பாயின்ட் கார்டு, சென்டர் அல்லது பார்வர்டு வீரராகவும், கபடி வீரராக இருந்தால் லெப்ட் கவர், ஆல் ரவுண்டர், லெப்ட் கார்னர், ரைட் கார்னர், ரைட் கவர் வீரராகவும் இருக்க வேண்டும். மேற்கண்ட தகுதிகள் உடையவர்கள் முதலில் விஜயா வங்கியின் இணையதளத்திற்கு சென்று முழுமையான விபரங்களை அறியவும். இதன் பின்னர் உரிய முறையில் தங்கள் விண்ணப்பங்களைச் சமர்ப்பிக்கவும்.
விண்ணப்பிக்க இறுதி நாள் : 06.02.2012
இணையதள முகவரி : [You must be registered and logged in to see this link.]


நன்றி தினமலர்