நம்பிக்கை உள்ளவர்கள் வெற்றி பெறுகிறார்கள் என்பதை நம்புவீர்களா? அதே போல நம்பிக்கை உள்ளவர்கள் சாவைக் கூட நெருங்க விடாமல் ஆயுளையும் பெருக்குவார்களே! நம்பிக்கை பற்றிச் சிறு கருத்தை இங்கு பதிவு செய்கின்றேன்.

திடீரென நோயுற்ற ஒருவரை அமைதிப்படுத்தி, கீழ் குறிப்பிட்டவாறு ஒரு உளநல மதியுரைஞர் குறித்த நோயாளியை மருத்துவரிடம் சேர்ப்பிக்கிறார்.

"பனங்கட்டியைக் கொடுத்து; இந்த மருந்தை உண்ணுங்கள் உங்களுக்கு நோய் குணமாகிவிடும்" என்று சிலருக்கு வழங்கி நோயின் தாக்கத்தைக் குறைத்துள்ளனர். இங்கு பனங்கட்டி போலி மருந்தாகக் கையாளப்பட்டுள்ளது. ஆயினும், உண்மை மருந்தாக நம்பிக்கை பயன்பட்டுள்ளது.

நமது ஆழ் உள்ளத்தில்(மனத்தில்) எதை நினைக்கிறோமோ, அது உடலின் செயலாகிறது. "நோய் குணமாகிவிடும்" என்று ஆள் உள்ளத்தில்(மனத்தில்) நினைவுபடுத்தத் தூண்டியதால், உடலின் செயலால் இங்கு நோயின் தாக்கம் குறைந்துள்ளது,

இம்முறை நோயாளியை மருத்துவரிடம் கொண்டு செல்லும் முன் பாவிக்கப்படுகிறது. நோயின் தாக்கம் அதிகரிக்கும் முன் மருத்துவர் நோயாளியைக் குணப்படுத்த இம்முறை உதவுகிறது. விஜயகாந் படமொன்றிலும் இவ்வாறான காட்சி வருகிறது.

நம்பிக்கை
மருந்தாக மட்டுமன்றி
ஒவ்வொருவர் வெற்றிக்கும்
வழிகாட்டும்
ஒவ்வொருவர் முயற்சிக்கும்
துணைநிற்கும்
நாம்
உள்ளத்தில் பேணும் நம்பிக்கை தான்
எம்மை இயக்குகிறது!
நல்லதே நடக்கும்
நோயொன்றும் நெருங்காது
எதிலும் வெற்றியே கிட்டும்
விருப்பங்கள் நிறைவேறும்
என்றவாறு
ஆழ் உள்ளத்தில்(மனத்தில்)
படம் போல பதியும் வண்ணம்
ஒவ்வொரு நாளும் நினையுங்கள்
அவை
உடலின் செயலாக மாற
உங்கள் வாழ்வில்
இடம் பெறுவதை உணர்வீர்களே!

"நம்பிக்கை என்னும்
நெம்புகோலால்
உலகை
உருட்டலாம் வாருங்கள்" என்று
பாவலர் வைரமுத்து கூறுவது போல; நானும் உங்களை அழைக்கின்றேன். உங்கள் உள்ளத்தில் நம்பிக்கை இருப்பின்; உங்களால் முடியாதது எதுவுமே இருக்காது. உள்ளத்தில் நம்பிக்கையை வலுப்படுத்துவோம், நோயின்றி நீண்ட ஆயுளுடன் வாழ முயற்சிப்போம்.

//உங்கள் உள்ளத்தில் நம்பிக்கை இருப்பின்; உங்களால் முடியாதது எதுவுமே
இருக்காது. உள்ளத்தில் நம்பிக்கையை வலுப்படுத்துவோம், நோயின்றி நீண்ட
ஆயுளுடன் வாழ முயற்சிப்போம்.//
பயனுள்ள நல்ல பகிர்வு

பயனுள்ள நல்ல பகிர்வு

நல்ல பகிர்வுக்கு நன்றிங்க