சாலை விதிகளை மதிப்போம்

by **nadinarayanan** Tue Jan 31, 2012 11:56 pm

“கோழிக்கறி வாங்கிக் கொண்டு இருவர் இருசக்கர வாகனத்தில் வருகின்றனர் ..சாலை ஓரத்தில் அய்யனார் கோவில் ...அங்கே சாலையை மறித்து நிற்கிறது ஒரு லாரி ...அதை முந்தி செல்ல முனையும் போது எதிர்பாராத விதமாக எதிரே வந்த பேருந்தில் மோதி இருசக்கரத்தில் வந்த இருவரும் சம்பவ இடத்திலே உயிர் இழக்கின்றனர் “ இதயம் உடைத்த இந்த காட்சியைத் தான் நான் நேரில் பார்த்தேன் ....

ஒரு கோர விபத்தை நீங்கள் கண்ணில் பார்த்ததுண்டா ? ஏதேனும் நெருங்கிய உயிரை விபத்தில் தொலைத்தவரா ?இல்லை சாலை விபத்தில் உடல் உறுப்புகளை இழந்தவரா ? ..சாலை விதிகள் ஏன் உருவாகப்பட்டன என அநேகர் அலுத்துக்கொள்வதை கேட்டிருக்கிறேன் . பொதுவாக நம் நாட்டில் சாலை விதிகள் முறையாக செயல் படுத்தப்படவில்லை அதனால் தான் தினமும் செய்திதாளில் சாலை விபத்து செய்திகளை படிக்கிறோம் . படித்துவிட்டு நாம் அதன் தாக்கத்தை உணர்வதில்லை ..சிலர் “உச்” கொட்டி விட்டு தன் வேலையை பார்க்க ஆரம்பித்து விடுகின்றனர் .ஒரு ஊரில் சாலை விதி முறையாக பின்பற்றப்படுகிறதா என்பதை அங்கே இருக்கும் ஏதேனும் சிக்னலுக்கு செல்லுங்கள் ...எவ்வளவு வாகனங்கள் சாலை விதிகளை மீறுகின்றன என்பது கண்கூடாக தெரியும் ...
சாலை விபத்திற்கு சாலையை விட , வாகனத்தை விட, வாகன ஓட்டிகளின் அலட்சியமே பிரதான காரணம் எல்லோரும் ஒழுக்கமாக வண்டி ஓட்ட ஆரம்பித்தால் சாலை விபத்துகள் நிறையவே குறையும்.. ஒரு தனி மனிதனின் தவறு எத்தனை எத்தனை உயிர்களை பலியாக்கும் என்பதை மிகப்பெரிய பேருந்து விபத்தில் இருந்து நாம் அறிகிறோம் .. ஆண்டுக்கு சுமாராக 130000 பேர் சாலை விபத்தில் இந்தியாவில் இறந்து போகின்றனர்
இந்த நாடு உன்னை குடிக்க வேண்டாம் என்று சொல்லவில்லை குடித்துவிட்டு வண்டி ஒட்டாதே! என்று தான் சொல்கிறது, கைபேசியில் பேசாதே என்று சொல்லவில்லை , வாகனத்தை ஓட்டும் போது பயன்படுத்தாதே என்று தான் சொல்கிறது ..
தலை அரிக்கிறது என்று ஹெல்மெட்(தலைக்கவசம்) அணியாமல் சென்றால் தலையே போய் விடுகிறது .சென்னை போன்ற பெருநகரங்களில் ஆம்புலன்ஸ்சை முந்தி செல்கின்ற இருசக்கரங்களை நான் பார்த்ததுண்டு (அப்படி என்னயா அவசரம் ?)...மாப்புல மப்புல வண்டி ஒட்டாத ..அரசாங்கம் அபராதம் போட்டாலும் பயனில்லை ..விபத்துகள் குறைந்த பாடில்லை மாறாக அரசுக்கு வரும் வருமானம் தான் கூடுகிறது (சில காவல் துறையினர் லஞ்சம் வாங்கி கொண்டு , விட்டு விடுவதால் அரசுக்கு வருமானம் குறையலாம் )..இதைப்படிக்கும் நீங்களாவது திருந்துங்கள் ..........அல்லது மெதுவாக போங்கள் நண்பரே!!!! அது போதும் ..சாலை விதிகளை மதிப்போம் ...... (என் கண் முன் இறந்த இருவருக்கு இந்த கட்டுரை காணிக்கை ) என் வலைப்பூவை படிக்க சொடுக்கவும் [You must be registered and logged in to see this link.]

by **கவியருவி ம. ரமேஷ்** Wed Feb 01, 2012 8:08 am

சாலை விபத்திற்கு சாலையை விட , வாகனத்தை விட, வாகன ஓட்டிகளின் அலட்சியமே பிரதான காரணம் எல்லோரும் ஒழுக்கமாக வண்டி ஓட்ட ஆரம்பித்தால் சாலை விபத்துகள் நிறையவே குறையும்..
நல்ல யோசனை