உனக்காகத்தான்...

by **veluchamy** Sat Nov 20, 2010 7:36 am

ஓடிவந்து உன்முகத்தில்
ஒருமுத்தம் கொடுக்கத்தான் ஆசை
உன்முகம் வெட்கத்தால்
சிவந்துவிடு மெனத்தான் விட்டுவிட்டேன்...

ஒழிந்திருந்து உன்னை
ஒருமுறை காக்கவைக்கத்தான் ஆசை
உன்மனம் துக்கத்தால்
சினந்துவிடு மெனத்தான் விட்டுவிட்டேன்...

பக்கத்தில் நின்றுஉன்
வெட்கத்தை ரசிக்கத்தான் ஆசை
பார்ப்பவர்களால் உனக்கு
சிக்கல்வரு மெனத்தான் விட்டுவிட்டேன்...

வளைகுலுங்கும் கரந்தொட்டு
உன்னோடு விளையாடத்தான் ஆசை
விளையாட்டே வினையாய்
வந்துவிடு மெனத்தான் விட்டுவிட்டேன்...

கக்கத்தில் கைவைத்து
ஏக்கத்தைச் சொல்லிடத்தான் ஆசை
உனக்காகக் காத்திருப்பதே
தனிசுக மெனத்தான் விட்டுவிட்டேன்...

இத்தனையும் உன்னிடம்
இன்றே சொல்லிடத்தான் ஆசை
இதற்க்கெல்லாம் ஒருவேளை
நாளைவரு மெனத்தான் விட்டுவிட்டேன்

மிகவும் அருமை நண்பரே, விரிகள் அனைத்து உணர்வு பூர்வமாக இனிமையாக இருக்கிறது.. வாழ்த்துக்கள் தொடருங்கள் உங்கள் கவி தேன் மழையை

by **veluchamy** Sat Nov 20, 2010 12:27 pm

தமிழ்த்தோட்டம் (யூஜின்) wrote:மிகவும் அருமை நண்பரே, விரிகள் அனைத்து உணர்வு பூர்வமாக இனிமையாக இருக்கிறது.. வாழ்த்துக்கள் தொடருங்கள் உங்கள் கவி தேன் மழையை

நன்றி தோழா..