படித்ததில் ருசித்தது

by **நெல்லை அன்பன்** Mon Feb 06, 2012 7:02 pm

துன்பங்கள் சூழ்ந்தது தான் வாழ்க்கை
நாமெல்லாம் ஒரு சாதரண பிரச்சணை என்றாலே மனம் உடைந்து என்ன செய்வது என்று கவலைப்பட்டு கொண்டிருப்போம். ஆனால் சிலர் என்ன பிரச்சனை நடந்தாலும் வாழ்க்கை சென்று கொண்டு தான் இருக்கும் என்று மனதை திடப்படுத்தி கொண்டு தைரியமாக இருப்பர், அப்படி ஒரு நண்பரை இந்த தடவை விடுப்பில் இந்தியா சென்றிருக்கும் போது சந்தித்தேன். இந்த விடுப்பில் என்னுடைய குடும்பத்தில் ஒருவருக்கு உடல் நலக் குறைவால் 5 நாட்கள் மருத்துவமனையில் தங்க வேண்டிய சூழ்நிலை ஏற்பட்டது. எனக்கோ பயங்கர வருத்தம். விடுப்பில் இருக்கும் போது மருத்துவமனையில் வந்து தங்கி இருக்கிறோமே என்று வருந்தி இறைவனிடம் சீக்கிரம் வீட்டிற்கு செல்ல பிராத்தித்து கொண்டு இருந்தேன். அப்போது ஒரு மாற்று மத சகோதரர் குங்குமம் வார இதழ் படித்துக் கொண்டிருந்தார். அவருடன் பேச்சு கொடுத்தேன். எந்த ஊர், என்ன தொழில் புரிகிறீர்கள் என்பது போன்ற பரஸ்பர விசாரிப்புகளுக்கு அவர் சொன்ன செய்தி இதோ.

படித்ததில் ருசித்தது Everything-passes.-Dont-worry

அவருடைய சொந்த ஊர் பட்டுக்கோட்டை அடுத்த மீனவ கிராமம், நன்றாக படித்துக் கொண்டிருந்த அவர் குடும்ப சூழ்நிலை காரணமாக படிப்பை நிறுத்தி விட்டு கடலுக்குள் செல்ல ஆரம்பித்திருக்கிறார். உயிரை பணயம் வைத்து கடலுக்குள் சென்று மீன் பிடித்து விற்றிருக்கிறார், பிறகு கடலுக்கு செல்ல மனமில்லாமல் கடலுக்குள் பிடித்து வந்த மீன்களை வாங்கி வேறு ஒருவருக்கு விற்று வாழ்ந்து வந்திருக்கிறார். பல தடைகளை தாண்டி தன்னுடைய தங்கைகளை திருமணம் செய்து வைத்து தானும் திருமணம் செய்து கொண்டு சந்தோஷமாக ஒரு ஆண் பிள்ளையை இறைவனின் கருணையால் பெற்றெடுத்தார். சிறிது காலத்திற்கு பிறகு தன்னுடைய மனைவி கற்பமடைய எல்லையில்லா சந்தோஷம் கொண்டு என்ன குழந்தை பிறக்கப் போகிறதோ என்று ஆர்வத்தில் இருந்தவருக்கு திடீரென்று காத்திருந்தது அதிர்ச்சி. அதாவது தன்னுடைய மனைவிக்கு வலி வந்து, அதனால் குழந்தைக்கும் தாய்க்கும் ஆபத்து என்ற நிலை வரவே பட்டுக்கோட்டையில் இருந்து மனைவியை தஞ்சாவூருக்கு அழைத்து வந்திருக்கிறார். மிகப் பெரிய போராட்டத்துக்கு பிறகு தாயை மட்டுமே காப்பாற்ற முடிந்தது என்ற போது அவரால் அதை தாங்கிக் கொள்ள முடியவில்லை. அதன் பின் இரு உயிரில் ஓர் உயிரையாவது காப்பாற்ற முடிந்ததே என்று நினைத்து தைரியமாக இருங்கள் என்று ஆறுதல் கூற, அவரும் அதையே நினைத்து சமாதானம் அடைந்ததாக சொன்னார். இதை அவர் என்னிடம் சொல்லும் போது அழவில்லை, ஆனால் ஒரு தெளிந்த மனதுடன் பேசிய அவருடைய வார்த்தைகள் என்னுடைய சோகத்தை உடைத்தெறிந்தது.

உங்களுக்கு முன்னே சென்று போனவர்களுக்கு ஏற்பட்ட சோதனைகள் உங்களுக்கு வராமலேயே சுவர்க்கத்தை அடைந்து விடலாம் என்று நீங்கள் எண்ணுகிறீர்களா? அவர்களை (வறுமை, பிணி போன்ற) கஷ்டங்களும் துன்பங்களும் பிடித்தன 'அல்லாஹ்வின் உதவி எப்பொழுது வரும்" என்று தூதரும் அவரோடு ஈமான் கொண்டவர்களும் கூறும் அளவுக்கு அவர்கள் அலைக்கழிக்கப் பட்டார்கள்; "நிச்சயமாக அல்லாஹ்வின் உதவி சமீபத்திலேயே இருக்கிறது" (என்று நாம் ஆறுதல் கூறினோம்.) (அல்குர்ஆன்:2:214)

''உங்களுடைய செல்வமும், சந்ததிகளும் உங்களுக்குச் சோதனையே. ஆனால் அல்லாஹ்விடத்தில் உங்களுக்கு உங்களுக்கு மகத்தான கூலி உள்ளது. (அல்குர்ஆன் 64:15)