ஏமாற்றமே ஏகாந்தமாய்....

by பிரேமலதா Tue Feb 07, 2012 12:51 pm

துணையும் துடுப்புமின்றி
வான் கடலில்
காற்றின் வேகம் கணிக்காமல்
நீந்திச் செல்லும்
விந்தை நிலவாய் - நானும்
நீந்திச் செல்கின்றேன்....
எதிரில் வருவதும் போவதும்
அறியவில்லை... !!
ஆயிரம் ஆசைகள்
மனதினில் சுழலுது... - ஆயினும்
அற்ப ஆசையும்
கண்ணுக்கு மறையுது!
கதிரொளி, நிலவொளி
இருந்தென்ன லாபம்?
கண்ணொளி மிளிராமல்
மங்கியே கிடக்குது!
உள்ளம் அமைதியின் உருவகமாக
தென்றலின் துணையோடு
நீந்துமென நினைந்திருக்க
ஏமாற்றமே ஏகாந்தமாய்
வியாபித்திருக்கிறது!
சிறுமீனை இரையாக்கும்
பெரிய மீன்களையே பெரும்பாலும்
பார்த்துச் சலிக்கின்றேன்....
நத்தையைத் தின்னும் நாரையாய்
உள்ளத்தைக் குதறும் உயர்ந்தோரே
நிறைந்திருக்கின்றனர்...
உடையை மாற்றுவதுபோல்
உள்ளத்தில் புதைந்திருக்கும்
நேசத்தை மாற்ற முடியாமல்
நிசத்தை நினைந்து நிதானிக்கின்றேன்....
முள்ளையும் மலரையும்
தொட்டுப்பார்த்து குணமறிந்தவள்
நின்னைத் தொடாமலே
நின் மனமறிந்தவள் நான்!
விளக்கைத் தொட்டு
சாகும் விட்டில்போல் - உன்
நினைவாலேயே சாகின்றேன்...
விரிசலில் வளரும் விதையாய் - உன்
பிரிவினில் என் காதலை
கண்ணியமாய் வளர்க்கின்றேன்....
ஆறுதலுக்கு என் கண்ணீரே
அருமருந்தானதால்
அழுது தொலைந்தே தெளிகின்றேன்...

அன்பிற்கடியாள்
பிரேமி

by **கவியருவி ம. ரமேஷ்** Tue Feb 07, 2012 1:59 pm

ஆயிரம் ஆசைகள்
மனதினில் சுழலுது... - ஆயினும்
அற்ப ஆசையும்
கண்ணுக்கு மறையுது!

சிறுமீனை இரையாக்கும்
பெரிய மீன்களையே பெரும்பாலும்
பார்த்துச் சலிக்கின்றேன்...
நத்தையைத் தின்னும் நாரையாய்
உள்ளத்தைக் குதறும் உயர்ந்தோரே
நிறைந்திருக்கின்றனர்...

- இந்தப் பகுதிகள் என்னை மிகவும் கவர்ந்தது... பாராட்டுகள்

எனக்கு ஒரு சந்தேகம்...

கவிதையில்,

நத்தையைத் தின்னும் நாரையாய்

என்று வருகிறதே... உண்மையில் நத்தையை நாரைத் தின்கிறதா? அல்லது கவிதைக்காகப் பயன்படுத்தப்பட்டதா?

by பிரேமலதா Tue Feb 07, 2012 2:03 pm

பாராட்டுதலிற்கு நன்றி தோழமையே.....

நத்தையை நாரை தின்னும். விலங்குகள் பற்றிய செய்திகளை ஒளிபரப்பும் தொலைக்காட்சியில் கேட்டிருக்கின்றேன்....

[You must be registered and logged in to see this image.]

by **கவியருவி ம. ரமேஷ்** Tue Feb 07, 2012 2:40 pm

புதிய செய்தி தெரிந்து கொண்டேன். நன்றி மிக்க மகிழ்ச்சி

by பிரேமலதா Tue Feb 07, 2012 2:44 pm

நன்றி தோழமையே [You must be registered and logged in to see this image.]

by **தமிழ்1981** Tue Feb 07, 2012 5:02 pm

வரிகள் ஒவ்வொன்றும் மனதை தொடுகின்றது .......
"முள்ளையும் மலரையும்
தொட்டுப்பார்த்து குணமறிந்தவள்
நின்னைத் தொடாமலே
நின் மனமறிந்தவள் நான்!
விளக்கைத் தொட்டு
சாகும் விட்டில்போல் - உன்
நினைவாலேயே சாகின்றேன்...
விரிசலில் வளரும் விதையாய் - உன்
பிரிவினில் என் காதலை
கண்ணியமாய் வளர்க்கின்றேன்....
ஆறுதலுக்கு என் கண்ணீரே
அருமருந்தானதால்
அழுது தொலைந்தே தெளிகின்றேன்..."

மிக்க மகிழ்ச்சி