நீ மறக்க நினைக்கும் காதலன்(காதலர் தின சிறப்பு கவிதை )

by **nadinarayanan** Sun Feb 12, 2012 7:22 pm

எல்லா புகழும் உன்னை
படைத்த இறைவனுக்கே

எதைச்சொல்ல?
பிறை நிலவு காதுகளிடம்
நான் எதைச்சொல்ல?

உன்னைப் பார்த்தால்
எனக்குள் இருக்கும்
குழந்தை பிறக்குமே
அதைச்சொல்லவா?

உன்னுடன் பேசுகையில்
எனதுள்ளம்
குதிக்குமே,மிதக்குமே
அதைச்சொல்லவா?

காற்றில் மிதந்து
வரும் உன் அன்பிற்கு
என் காலம் நிற்குமே
அதைச்சொல்லவா?

உன் முத்ததிற்கு
இரத்தம் எல்லாம்
உச்சிப்பொட்டில் உறையுமே
அதைச்சொல்லவா?

காலமெலாம் உன்னை
கையில் சுமக்க
ஆசை வளருமே
அதைச்சொல்லவா?

காத்திருந்து உன்னை
காண்பதில் வலியோடிய
சுகம் கிடைக்குமே
அதைச்சொல்லவா?

உனக்கு தரும்
அன்பளிப்பில் என்
உயிரும் கலந்திருக்குமே
அதைச்சொல்லவா?

நீ"கொன்னு" சொன்ன
அக்கணமே "நான்"
இறந்து போனேனே
அதைச்சொல்லவா?

நீ "போடா" சொல்கையில்
நான் போகாமல்
நிற்பேனே
அதைச்சொல்லவா?

உன்னுடன் காமம்
கழிக்கையில்
காதல் பெருகுமே
அதைச்சொல்லவா?

நம் உடல்
தொடுகையில்
உளறிப்பேசினோமே
அதைச்சொல்லவா?

இதோ நீ
பிரிந்து செல்கையில்
நான் திரிந்து போனேனே
அதைச்சொல்லவா?

எதைச்சொல்ல?
பிறை நிலவு காதுகளிடம்
நான் எதைச்சொல்ல?

அடியே ....
காதலர் தின வாழ்த்துக்களை
இந்த வருடம் நான் யாரிடம் சொல்ல ?

எல்லா புகழும் உன்னை
படைத்த இறைவனுக்கே.................

பேரன்புடன்
நீ மறக்க நினைக்கும் காதலன்
நான்
(குறிப்பு : இது என் காதலிக்கு எழுதிய கடைசி கடிதம் (அ ) கவிதை )

என் வலைப்பூவை ருசிக்க சொடுக்கவும் [You must be registered and logged in to see this link.]